Letztens...am Samstag...

Hi Guys,

also, a bissl spät, oba bessa spät als nie, de Gschicht vom Flügale auf da Korolm vurigen Somstog.

Da Tiefi, da Willi, da Wolfi und i am Startplatz. Mein Gott da kommt Freude auf. Um ans am Londinga, i mitgedocht und 3 Gösser im Kühlsock mitgebrocht, sieg i schon reges Treiben. Die Drochen wern schon valodn, die Paragleitinger reden von da Goding und Alm etc. und mir san trotzdem auffe aufn Hosn...

Bei da auffohrt schnell den Bus vom Wolfi ibaholt, des besseren Startplatzes wegen, aber nix..... die Steirer schon dooo.... da Heinz aus Stainz u. Hr. Reinisch von die Weststeirer hom schon aufgebaut. Grrr, knurren tuat nur der Hund,  egal, dazwischen einegequetscht und im HSM - Highspeedmodus - aufgebaut. Kummt noch da Don Gerhardo, da Tatschl Bua und a gonz a seltener - da Fluglehrer Klaus mit Tandempassagier, wo werma denn des hinschreiben... :-) Also viel los am Haasen oba kana wollt aussse... die Steirers holten sich vornehm zruck, da Nössi redet wos von Spreu u. Weizen und da Willi hot mir zum Drüberstreuen a "ObefohrerIN" bereitgestellt. Da Tiefi gonz Competition-like schon a 120er flach eingeben, hob i miasssn glei obschreibn. wie in da Schul. Nur dass i do vom Hr. Professor obgschrieben hob... wie gesagt kana startet, da Tiefi schon, wor jo schon 14:10 und nach Adam Riese bei an 35er Schnitt brauchts über 3,5 Std. fia de 120kilo.

Fein dass er erster ausse is.... er ward nämlich fast nicht mehr gesehen und i hob in da Hitz gwortet.

Die zwa faulen Geier

Am Boden, wie so a faula Gänsegeier... und nach 15 min. sprengtsn el tiefone auffe und i glei gonz energisch gstartet. Auf 1300m hob i den bleden Bort valurn und donn Schober eingeparkt, donn doch auf 1800m und auf da Goding homma donn wieder gemeinsam gekurbelt. 1st try is glei amol in die Hosn gongan. Wieder zurück auf Los, is des Monopoly oda wos, donn wieder unter die Kugeln probiert und donn is obgongan.

Auf dem Weg nach oben zu die Kugalan

 Auf 2900m, da Tiefe hot mitn Segler a bissl besser dawischt, is donn los Richtung Soboth, i a 5 min später. Mit an 80 km/h Gleiter Treffpunkt Soboth.

Sobothschi Stausee

Oba es wor holt nit so a guata Tog und über 1h bis zur Soboth und kane Wolkn u. kane gscheidn Bärt dafür Gegenwind mit 25 km/h also, nix mit 120kilo...





 Donn zur Route 69, Mofetten-Aussichtshittn, und wieder mit a 80 -90 km/h zruck. Auf da Goding mit 1400m donn glei weiter, wor so bled im Lee, so a Süd, Richtung Woldrost, donn kurbeln, a na geht jo soarn auf 1600m donn wieder obe und donn wieder soaren und donn auf da Waldinger versetzen lossn, Gordon waast eh beim Wolfsberger A, in an eischenartischen windzerrissenen Bartili auf 2400m. Da Willi u. da Wolfi worn do, glabt da Tiefi und  i, schon in der Erdumlaufbahn... san donn links obgebogn u. mir mitn el tiefone schnurstracks Richtung Klippitztörl. Mit an 20er Rüggewind bringst do guate Gleiter zomm. Am Compeo ca. 1000m über Wolfsberg, samma donn an Zielanflug über 10km gegen den Wind gflogn.... I sog nur 136 km/h Highspeed und durch über 100km/h de 10 kilo.... Am Landinger wor donn, dem Bauern Grillitsch seiner Umbauaktion sei Dank, a noch a bissl thermisch.

Donn glei die Göss auf und ZISCHHHHH!!  Guat gong, cooole 3h Fliegerei obwohl nit so weit gongan is. Anyway der nächste Flugtag kommt bestimmt und donn haßts wieder: GAS ON!

Den xc.dhv.de - Quatsch konn i nit liefern. Des Compeo is in Kärnten u. i bin in Minga. Oba fian Weizen hot a 60er bis 70er aussegschaut.

Apropos Weizen

Prost bis bold
Thome