....Drochnfliagn....

Speeedschi Run

2012-01-31T23:04:00.000+01:00

Gruezi,also nochdem da Tiefi zwischen der Lernerei a Auszeit beim Speedglide-Contest auf da Gödling suacht und er mir gsogt hot ob i nit a sollt mitmochn hob i entschlossen mit der hochschwangeren Teamchefin am Ort des (V)erbrechens aufzukreuzen.

Muass da olte Moyes holt amol die Schwungfedern in Wind stellen :-) Hoffentlich is nit zkolt...

Also schau ma mol....
Happy Landings
Thome

Swoopie dooo

2012-01-28T18:32:00.000+01:00

Seas,

nochdem da Wolfi Siess aka "Prinzl" jo a river-bridge-swoop-project am Inn absolviert hot, is jetz die Salzburger Antwort vom TomTom Weissenberger kumman.

swoop_500 - hang gliding shore II shore from tom weissenberger on Vimeo.

A a gonz coole Gschicht. In der koltn Johreszeit gibt des a bissl Wärme :-)

Cu
Thome

Endanflugmaßarbeit

2012-01-14T09:48:00.002+01:00

Howdie,

sehr knapp kalkuliert da Gerolf....;-)

Cu

thome

Um Gottes Willen...

2012-01-06T11:04:00.000+01:00

.... so jetz samma schon so weit..., na, dass ma das noch erleben muss.... In Forbes is jo a Competitionale im Gange mit allerlei Neuigkeiten wie Schleppmodus mit Tombola, starten wann ma will in da ersten holbn Stund usw. oba was i do gsegen hob, da wird doch der Hund in der Pfanne verrückt, ich glaub mich laust ein Affe. Schauts sölba:

Radl an der Basis vom Durand. Muass glei amol mit Franzbranntwein gurgeln...

Forbes links: Forbes 2012
Also mochts as guat
Thome

P.S.: Er is gesundheitlich ongschlogn. Also is es a bissl zulaessig.:-)

Moyes Litespeed RX

2011-12-29T20:46:00.000+01:00

Hi folks,

wies ausschaut werd do down-under fest gebastelt. Moyes bzw. da Gerolf(s) mocht onscheinend wos neies.. ;-)

Fotos von da Taubn ausn letztn Bild gfladert. Hoffentlich wird mir verziehen.

Also bis denne bzw. a schens neies Johr, brav bleibn etc.
thome

Gesagt - getan

2011-12-13T20:56:00.001+01:00

Seas,

nochdem de Kerle auf Lanzarote voll gflogn san, hob i mir gedocht i muass a wieder flügge werden. Gesagt getan is die Teamchefin mit Sister mit mir mit auf die Woldrost. Ja genau, auf da Waldrast kann wieder gstartet werden. Muass ma nur den Drochn über an Stochldroht-Zaun driba hebn. Hob i glei amol mein XC-Pocksock beleidigt.....grrrrr

Aaaaber, die Weihnachtsfeierer Onkl Wolf, Wolta u. da Don Gerhardo worn schon in da Luft. Soaring-Luft. Des heißt nit nur obgleitn sondan a ffffliiiiaaaagn.

Obwohl nit höher als 1700m gongan is und i partout nit auf die Olm kumman bin wors trotzdem Wuuuuunderbar. Noch 2 Monat Abstinenz kennts eich eh vorstellen wies mir gongan is.

Wenn i kane Uhrwaschl ghobt hätt, hätt i wahrscheinlich rundumadum glocht.Schen wors und der erste Hunga wor gestillt.

So long
Thome

P.s.: Am 25.12.2011, wenns Wetter passt, gibts a Christtog fliagn mitn Christe (Tiefi) *gg* Wer zeit hot kummt a!

X-mas

2011-12-07T20:53:00.002+01:00

Griass eich Gott ihr lieben Drachenflieger,

nochdem i noch München, a i man Minga, gezogen bin und die letzte Zeit a bissl stressig war und i nit zum Fliagn kumm konn i höchstens mit ane Raubkopien von da Moyes Seitn geign.

Hoffentlich werds neie Jahr a guats und die Fliegerei kommt meinerseits nit zu kurz. Des reimt sich und was sich reimt is ja bekanntlich guuuut ;-)

Also bis donn

oda wies in Minga sogn: Pfüa Gott

da schworze

P.S.: Ajo, auf Lanzarote gehts grod auf. Da Tiefi hot des erste Mol an Task gwunnan. Congrats Mate. Well done!! Gfrei mi für di!! RESULTS

Mit dem Wind II

2011-08-18T08:27:00.004+02:00

Hi Folks,

am Weekend, kaum zu glauben aber wahr, wor i wieder amol flügge und des nach fast 2 monatiger Abstinenz. Die zwa Junior-Christians, da Onkl Wolfi und a Rotte Steirer a. Da Ralf Müller wor a do und i hob ihm glei auf sei neues Buch angsprochen. Mit dem Wind II; Entstehungsgeschichte u. Evolution des Drachenfliegens der letzten 40 Jahre. Also Anfang der 70er bis 2011. Ein absolutes must-have für an Drochenreiter der in der Deltafliegerei a bissl mitreden möcht.

Nähere Infos findet ihr auf seiner Homepage www.ralfmueller.at.
Webshop inklusive und jede Menge verfügbar. Also: feel free to order ;-)

lg thome

Int. Rosentaler Meisterschaft 2011

2011-07-13T16:50:00.010+02:00

Howdie,

obwohl die Rosentaler Meisterschaft 2011 schon längst geschlagen ist, mir war es leider nit möglich teilzunehmen, ereilt mich etwas verspätet besonderes Beweismaterial des Wettkampfneulings Mr. Prountsch. Aber seht selbst.

Mein Gott, fast am Punkt, des is ja zum Haareraufen.... :-)

Bis bold
thome

P.S.: Aber Achtung: Er war am nähesten am Punkt von allen!

Platz sparen

2011-07-06T15:57:00.002+02:00

Seas,

des is echt platzsparend.....

So is holt fein fliagn. Nix aufbaun und in die Thermik schleppen lossn.

greez

thome

Lippekogel

2011-06-30T16:32:00.012+02:00

Olta,

.... am Dienstog fetter Ost, am Mittwoch Hauptwindrichtung Nordost und am Startplatz Südwest. Noch nie dagewesen. Zu sechst am Lippe und der Scheisshügl geht nit.

Ein Bild sagt mehr als 1000 Worte.

Also wieder obbaun und zum Puffbauer (ohne Rotlicht!) auf a Brettljausn mit an guatn Mösterchen.

Viel Aufwand und nix draus, grrrrrr!

Cu
Thome

P.S.: Weekend schaut jo schon wieder amol supa aus.....zur Obwechslung amol schlechtes Wetter.

Soaring - boring? No it isn't!

2011-06-23T20:23:00.025+02:00

Heidi Ho,

also yesterday wors wieda soweit. Noch der Soaring Gschicht am Samstag hot da Süd gestern zum Abend hin zuaglegt. Nochdem mi da Prountschi und da Tiefi nett daran erinnert haben,dass heute nachmittag im großen Stil gflogen werd hob i um exakt 15 Uhr 30 den Riaman in da Firma obagrissn und bin mit da Teamchefin gen Westen auf die Koralm aufgebrochn.

Am LP ruaf i den Frounz on - hebt der Kerl nit ob - sieg i ihn auf amol hoch am Schober. Nit zu verwechseln mitn "Hochschober" auf da Turrach.

Also nix wia auffe und san schon die nächsten am Start. Da Gerhard und da Walter noch nit airborne - in da Luft die Hölle los: Tiefi, Onkl Tiefi, Prountschi u. da Sugar Chris am soaren wie die Dohlen auf da Seegruam.

Hurtig am Moyes ummagrissn und Startbereitschaft hergstellt. Da Walter is von uns dreie glei als erster ausse, hot ihn oba nit gfreit is er noch 2 Sekunden glei wieder glondet... nix passiert. Donn da Don Gerhardo, schaut ziemlich turublent aus. I donn dron. Obn bin i nit gstartet. Man muss wissen, dass da Rauchbauer seit kurzem von an Zaun abgtrennt is und die aktuelle Anlaufspur alles aufwartet wos ma nit brauchen konn: Kuhfladen, hohes Gras, Mulden, an Weg quer, Lee bei Süd, Küah etc.

I bin donn doch weiter obegongan und bin unter dem Weg gstartet. A paar Bilder san sich a ausgongan bei dem "Lehrbuch-Start":

Da Wolfi hot gsogt: "Des nächste mol muasst nit Slalom fliagn beim Start." Aso, guat, werd des zukünftig beherzign :-). Für alle anderen, gegen an klanan Obolus konn i diese Starttechnik auch nicht so geübtn Piloten beibringan...

Is jo Wurscht. In da Luft wors auf alle Fäll butterwach und optimal für allerlei Schabernack - mitn Tiefi hob i do jo a an kongenialen Partner:

Bemerkenswert die Buabn aus Obermitterdorf bzw. Kraßnitz. De wolltn mit ihre Turm-Niederleister gor niamma obe auf die Londewiesn. Da Chris 2h und da Frounz 2h44. A Wahnsinn. Mitn Prountschi bin i am Schober auf fost 1900m aufgsoart. Er is donn ins Tal und i, zum 3. Mol, Richtung Alm. Hot donn a gfunzt und es is bis auf 2360m hochgongan. Mit 0km/h Groundspeed voll gsponnt neben die Kugalan Höhe mochn hot schon wos.

Um a holba ochte hob i donn a gnua ghobt und bin Richtung Teamchefin-Zumbasession aufgebrochen. Hob von obn oba nix gsegen. Donn bin i gegen 35 km/h Südwind gflogn. Strecke tanken um donn mit Rüggewind über 150km/h Groundspeed back to Landinger. A bissl obegreifn im Endanflug und a bissl londn. Dos wors. Noch kurzem "Bier Verlangn" wurde mir von Onkl Wolfi a kleschkoltes Schwechater dargereicht. I hob gedocht i bin im Bieradies nach an 2h Flug. Dank nochmals an dieser Stelle dem edlen Spender.

Zum Schluss noch den Geier zalegen und auffe aufs Doch. Der Hunger, schon riesengross, hot uns (Tiefi, Chris, Frounz, Teamchefin u. mi) zum Krascho auf Panier u. Bier getriebn. Bei an lauen Lüfterle wurde noch auf hohem Niveau parliert.

Wuuunderbar sog i!!

See you, bis denne

"the black knight"

P.S.: Am Weekend eventuell Embo-Alm. Is aber wieder amol wetterabhängig.

Overshoot

2011-06-17T16:47:00.002+02:00

Griass eich,

noch dem die Loser Open nun doch obgsogt wurdn san wegen ! Scheiss-Wetter ! muass wos ausn i-net herholtn. Wenigstns die Willswinger hom noch an Spass

Dustin Martin @ Enjoy Field from joel d on Vimeo.

howdy bis denne
thome

Alpen Open 2011 Video

2011-06-08T21:33:00.002+02:00

Hi guys,

da Alpski Opski 2011 Film is scho do:

Frank the tank hot des fix hingkriagt. Congrats.

Am Freitag Nachmittag is soweit. A bissl solls schen werden. Mitn Tiefi u. mitn Prountschi homma schon gfixt!

Eeeenlich!

lg thome

Pics and News

2011-06-05T21:31:00.006+02:00

Seasn,

a paar Bülda vom Wochenend. Infos zur Veranstaltung auch auf da Seitn vom DCI! Bildergalerie is ein absolutes MUST!!! Video kummt, lt. Frank, a noch ans...

Am Pfingstwochenende is da Loser mit die OÖ u. Steirer Open dron. Hoffentlich werds Wetter passen.

Bis in Bälde
Thome

P.S.: Wenns Wetter passt werma unter da Wochen an Lippekogel-Abend-Soarer einlegen. Wer mit will soll sich melden ;-)

Over and Out

2011-06-05T10:27:00.003+02:00

... 21. Alpen Open nach behämmerten Wetter vorbei. Heute kein Task somit game over.

Siegerehrung heit um 1300 oba ohne die carinthian guys, de san schon aufn Weg in die Heimat...

Cu
tnt

Freitag, Samstag - Fliegen u. Fliegerfest

2011-06-05T07:39:00.004+02:00

Griass eich,

am Donnerstag gabs böiges Freifliegen, am Freitag an fetten Task mit ana 47 km Aufgabe. Da erste hot von 1000 möglichen Punkten haße 95 kriagt. Für die Minimum Distance hots 33 Punkte geben. Mit Ruhmer, Tschu u. Trimmel Manfred bin i do in bester Gesellschaft. Da Tiefi wor a Streber u. hot miassn 60 Punkte erreichen.. ;-)

Gestern wors nit gonz kloar wos des werd. A Task mit 98 km (Achensee-Nördlinger Hütten-Gnadenwald) is schon gstondn nur die Rennleitung hot a nit so gscheid gwusst. Am Patscherkofel Föhnspitzn mit 70 km/h u. am Hafelekar um die 45 km/h. Nach langem Hin und Her is da Task gecancelled worden. Einige Wenige san soarn gongan. Butterweich solls gwesen sein. Anyway.

Am Abend samma mitn Tiefi nach Hall auf a Pizza. Wor do a Italiener Fest mit Live-Musik.

Heite solls, zumindest laut Alptherm nit so schlecht ausschaun.

Schau ma mol donn seg ma schon.

Stay tuned
thome

Alpen Open 2011 - ersta Flug

2011-06-02T22:14:00.005+02:00

nochn erstn Flug(ca. 30 min) wurde seitens Tiefi Chris u. mir sofort a Power-Napping einglegt. Siehe da:

A ziemlicher Ost (35km/h) wor dabei und beim Spot-Landing worn 100 Euronen ausgschrieben. Kana hot den Pot geknackt.

Schau ma wies Wetter morgn werd. Hoffentlich "taskable"!

Live Tracking is a verfügbar. Also morgen ab 13 Uhr live die racerei hier erleben!!

Cu

thome

Alpen Open 2011

2011-06-02T07:41:00.003+02:00

Hi Folks,

also wir, el tiefone u. i, san gestern trotz shitty weather-forecast noch Gnadenwold gfohrn. Lexus-Luxus inklusive. I konn nur sogn, hoffentlich hot Petrus mit uns Gnade.

Heit is amol voller Nebel, böig solls werden und eventuell is die Gruabn a im Sud.

Jetz erst amol frühstückn und registrieren und donn schau ma amol.

Stay tuned

el magnifico

P.S.: mögliche Ergebnisse unter Alpski Opski 2011

Trofeo Montegrappa 2011 - Bassano

2011-05-02T14:55:00.004+02:00

Hi folks,

also lange Rede kurzer Sinn, folgende facts vom Bassano-Osterwochenende:

Datum - Flugzeit - Strecke - Ranking - sonstiges
21.4. - 4h 30 - ca. 123km - 46. - schen wors bei de Seen
22.4. - 4h 00 - ca. 126km - 35. - "Goal"! ;-) Dolomiten! max. Steigen 11m/s
23.4 - 2h 38 - ca. 56km - 21. - kurzzeitig mitn Raimondo fett dabei
24.4. - 2h 13 - ca. 37km - 64. - obeglossn! Mein Gott ;-)
25.4. - 2h 44 - ca. 66km - 50. - am Paragleit LP eingeparkt

Overall wors da 42. Gesamtrang von über 100 Piloten. Passt schon Oba vül wichtiger wor die Flugzeit (ca. 16h), der View von Bassano-Belluno-Feltre-Levico und die materialschonenden Londungan :-)

Coole Gschicht, taugt mi!!

Alpen Open 2011 gehts weiter.

Alle Ergebnisse hier.

Meine Flüge, für de des interessiert, auf XC DHV

cu bis denne
thome

P.S.: am Weekend wenns Wetter passt is Clubmastaschoft in "Monte Lupo"

Whats that, pussicat??

2011-04-27T10:44:00.006+02:00

In Bassano auf da Expo siegt ma allerhand.

Wer weiss was das ist gibt a Kommentar ab

cu in the sky
thome

P.S.: Bereits informierte Personen sind vom Quiz ausgenommen!

Göödling

2011-04-19T14:03:00.009+02:00

Hawidere,

Sunnti wors wieder soweit. Auf da Goding sammas ongongan. Die Teamchefin woar noch longan wieder amol von Onfong on dabei.
The new president "Skyfarmer" Willi hot an Tandemflug vorghobt. Guat. Wos hast guat, auf da Startwiesn Seitenwind und der berühmtberüchtigte Rüggggewind!

Oba nochan, 14Uhr30, is eh gongan. Steirischen Besuch homma a kriagt. Da Präsident (Karl) u. da Vize (Gerald) von die Aflenzer worn do. Hot uns sehr gfreit. Oba schlau wie sie san, homms schon uns als erster starten lossn :-) Bericht is a schon online.

Tiefi u. i beim "pre-flight-gopro-check"

Mit a 6m/s bis auf 2600m mit Tiefi im Duett - bei da Brandlolm wor donn a glei a Differenz von Air- und Groundspeed von 30 km/h do. A murds gekrotze und donn hommas doch noch hamgschofft.

Fliagn mocht jo so miad!

Flüge san do: Tiefi und i

Auf die Frage eines fliegerischen Austauschs Kärnten - Steiermark hot da Gerald gmant, dass ma des ob 15. Mai in Ongriff nehman kennan. Des mochma. Do fohr ma hin. Do Grill ma nochan. Do trink ma Bier. Ajo und fliagn tua ma a.

cu
thome

P.S.: ab Donnerstag werd in Bassano bei da Trofeo gstartet. Schau ma amol wos do aussakummt ;-)

Wochenend und Sonnenschein....

2011-04-08T14:55:00.032+02:00

und dann mitn Moyes ganz allein...

Howdy,

also, nun die Fortsetzungsgschicht vom letztn Mol. Nochdem am Rodschberg schon so schen wor, homma (Wolis, da Sugar Chris u. i) uns am Sonntag die Goding ausgsuacht. Alptherm forecast mit Basis 3100m u. nach die Para-Flüge vom Somstag hot sich des nit schlecht onghuacht. Da Kittner Georg, is a nit so long und intensiv furt gwesen, hot sich a noch dazua gesellt zur illustren Runde.

Am Londinga auf da Grilltisch Wiesn hom sich a olle getroffen und um exakt 12 uhr 40 is losgongen. Verlegung von Mensch und Maschine auf die sonnige Goding. 1200m Höhenmeter und leichter Wind von vurn.
Zwa Parapente schon do und auf amol a Drocheninvasion, an die 15 Fluggeier - Da Ex-Präsi is a aufgekreizt. Mit neuem Skyline Gurtzeug und ATOS VRQT10 (oda wie der haßt). I glab der wills heia wissn.... die Steirers (Herby, Howy u. Hanspeter) san a noch erschienen - Wahnsinn - wie in die 80er. Geile Gschicht. Die Sackl san glei ausse, de wolltn nit so recht mit uns im Hausbartle kreisen. Dabei samma eh zahm. Wir beißen jo nit. Wir pecken nur a bissl... *g*

Die Teamchefin mit ihrem Papa is a noch zuaschaun kumman.

Olle brav aufgebaut hots donn a schon fett auffegeblosn. Da Hubert d'Ohr is ausse und donn wors fian Tiefi und mi kloar. Wir gehens a on. A 150er flaches Dreieck wor a schon im Compeo drinn, also nix wie an die Basis.

Wieder is am Hausbart nit gscheid auffegongan. Ziemliche Ostkomponentn drinn, homma 20min vaschissn.

Oba donn. Auf die Ostflankn mit 1300m donn hintn eine vasetzn lossn und flux wor ma auf 1800m. Donn da Tiefi weiter noch Süden ins Lee und i Richtung Lift. Mit 2,5m pro Sekundn hots mi donn auf 2300m getrogn. Da Tiefi hot noch gegrundlt. Anyway - über der Hochsponnungsleitung homma uns donn getroffn und glei Richtung Soboth aufgebrochn. Da Tiefi vurn auf da Kantn und i querfeldein unter die Wolkn übern Stausee. Mit 80 km/h im Delfininger dahin homma uns schon aus die Augn valurn. Aaaaber da Wills und da Moysi streben zu einander und hom ein Stelldichein über da Aussichtshittn auf da Route 69 erlebt. Trotz ummagurkn auf da Goding nach ca. 45 min. auf da Sobothschi. Richtung Slovenj Gradec wor a fette Wolknstrossn und in de Richtung wor a die erste Wende. Problema - der Weg zur Wolkenstrada wor im Blauen und weite 15 km entfernt. Guckst du:

Links die Wolkenstroßn aus Sicht Soboth (Departure) und rechts aus Sicht Slovenj Gradec (Arrival).

Gott sei Donk homma kan Funk, also mit 2300m einen Flug ins Blaue ongetreten. Zu zweit is leichter und kurz noch Dravograd homma wos gfundn, haße 1m/s. Wurscht, do hasts zruckholtn im "Survive-Modus" sunst stehst untn. Mit 1800m dahinghantlt wor ma donn schen longsom do. Üban Schigebiet is donn losgongan. 4,5m/s integriert und wieder 2300m......Jetzt nur noch Vollgas unta die Wolkn.

Na i will do nit eine! hihi

Unter uns Slovenj Gradec und noch a 20er zur Wende. Wor schon holba dreiviertel 4e... Weiter gehts... bis zur letztn Wolkenbasis mit Speed dahin. Donn, da Tiefi mant im nochhinein er hot eh schon gezagt, i sponn die VG und dem Vario hinterher. 60km bis zum Landeplatz Wolfsberg zagt des GPS und wir schaun auf Velenje! Wor do schon jemond mitn Geier?? I glab nit.

Donn noch zum schenan Wutzl doch der Hund ziagt nit. Des anzige wos do gezogn hot wor der Ostwind. Dafür der mit über 20km/h!. Wie fein hätt der uns wieder noch Dravograd gschobn! Nix da, die Wolkn lösn sich auf und mir san schon auf 1400m.... kurbel kurbel und studier warum kumm i nit zu dir, Wolkili?? Mein Gott, ca. 15 km homma uns gwehrt wie die Löwn, die Thermikkreiserei hot sich nur in der Horizontalen bemerkbar gmacht. Donn da Tiefi noch amol auf 1000m, der gleiche Bart losst aus und da Thome suacht schon Aussenlandemöglichkeitn. A Bundesstraßn war nit bled und a Tankstöll (Bierli!) a. Gesucht - gefundn und donn auf an schenan Platzale eineglondet. Flugzeit 2h 18 min. I stell den Drochn auf die Seitn wal da Tiefi huckt sich a zu mir. A 31er Schnitt trotz gegurke am Start u. Überlebensmodus in Slovenia wor a nit so schlecht.

Umdrahn hob i gezagt, auf die Uhr hob i gedeitet sogt er der Molermaster - oba unbeirrbar und dem Streckenflug verfallen wor da Thome auf Wende Numero 1 programmiert. Nach dem Motto "Barfuss oder Lackschuh" eben. Im Google-Earth schauts so aus:

Jetz war recht wieder hamkumman. Wo samma denn do?? Die Sun scheint, die Segler wern gschleppt, irdendwo neben an Flugplatz wor ma. I geh amol frogn sog i zum Tiefi. Im besten english hot mir donn da Simon erklärt wo ma san. Die Tankstöll is zua, i denk ma Ohh Gott. Mit 5 Eur hob i ihn donn gefügig gmocht und er is aussagruckt mit dem kühlen Gold. A 6er-Tragerle Gösser wor unsa!! Petri-Heil. Gonz nett und donn homma uns auf Deitsch weiterunterholtn, wal des hot er besser kennan da Simon ;-)

Off da Tiefi hot gschaut: "Wo hostn des Bier her??" Beim Schwammalansuachn valosst mi ob und zua da richtige Riacher - oba beim Bier haut des hin ;-))

Obgebaut, den "sauschweren" Willswing a noch zu Stroßn befördert und mitn letztn Pivo auf die Crew (Verena mit Papa) gwortet. Donn die große Auflesung, Aufladung und Betankung. Da Hunger riesengroß samma in Dravograd durch Auskunft an der Petrol Tankstelle zu an Cici-Platzl erste Wahl gelotst wurdn. Cici, Pommes, Ajvar, Senf u. Zwiebl - i sog nur EUR 4,5!! De worn weltklasse.

Tiefi ham, Völkermarkter ham und schon wor 21 Uhr. A richtiger Streckenflugtog mit up's u. down's. So soll er sein.

Conclusio:

Die Toge onfong April san z'kurz und die Basis mit 2300m is tiaf. Z'tiaf fia a flaches 150er oba nit zu tiaf fia a Soboth - Dravograd - Schigebiet Querung. Also im Mai bei 2800m u. a bissl an Ost samma wieder dabei.
Für alle die amol in der Nähe san, is der Landeplatz neban Simon sehr zu empfehln. Fia a klanes Entgeld varot ma die Cevapi-Bude a. :)

So long und vielen Donk an die Rückholer
thome

P.S.: Details zum Flug im XC.DHV.de
P.P.S.: Da Sugar Chris Rosenzopf hot mir brav gfolgt. I hob ihm im Auto beim Auffefohrn gsogt, heite fliagst auf zwa-vier. Gesagt getan, der Schlawiner is mit Kniahänger und an Anfängerdrochn an die Basis gflogn und war 1h45min unterwegs gewesen. Des beim 14. Flug! Gratulation. I sog nur: Gurtzeig muass her!! ;-)

Weekend und Drochnfliagn

2011-04-04T19:20:00.025+02:00

Seas blogleser,

also des Wochenende hots in sich ghobt. Am Freitag nachmittag glei amol an holbn Tog Urlaub riskiert. Da Sugar Chris mitn Wills Willwing Falcon is mit mir aufn Radisce auffe. Voller Erwartung wollt ma ersta a bissl Fliagn und donn zum "Season Opener" zum Flughofn.

Um 12e da Himmel zu, dem Stanodla wor des oba a Wurst, konn sich nur noch um Stunden hondln, homma uns glei amol an Olmdudla u. a Coke hinter die Binde gegossn. Um 13 Uhr 15 wors donn soweit. Raschl Raschl und Lotten einegsteckt und auf amol stehn die Geräte voll gsponnt do :-). Aaaaber, der Himmel wor wieder zua.... mein Gott die zwa Paras san a glei amol obgsoffn. Anyway, ausse und die neie Direktaufhängung (7cm tiefer!) und GoPro Upsidedown Funktion ontestn. Wor eh klor, wenn do ana des Licht ausscholtet dass donn nix mehr geht. Da Chris is a glei amol ausse und wir worn eh mind. 10 min in da Luft.

Da Viktor wor so frei und is extra am Rodsche auffe und mit mein Auto uns holnkumman. Präsidenten-like holt *gg*

Donn, wal noch Zeit wor, min Chris zum Otti in den Pavillon auf a Bier und siehe da, es hot wieder aufgrissen grrrrr.

Guat donn einwerfen zum Mäci, zum Obi a Lata, zum Billa 2 Kistn Murauer-Hülsn (fias Onfliagn am nächsten Tog) und donn ins Airrest. Off a Stress he. Donn a bissl die Vorteile vom Aeroclub genossn, Kaltenhofer Ewald war so frei, und danach vom Cheffe der Flugsicherung die Lufträume, Special Rules Areas, Radar Minima, IFR u. Visual Approaches a bissl aufgeklärt gwurdn. Im Grunde genomman tiaf ma eh überoll fliagn. Nur im Luftraum Charlie u. Delta segns uns nit so gern

Donn noch a bissl üba Fliagn gsprachlt, über 100er FAI Dreiecke vom Rodsche usw. und donn zum Schlummertrunk noch St. Georgn zum Orasch.

Somstog, neues Spiel neues Glick, um holba ölfe beim Mäci in Völkermarkt, wo die Belegschoft ausn Woli-Lond (Tiefi, Onkl Wolfi u. da Aeros-Walter) und da Chris mit Chauffeur Papa schon auf mi gwortet hom. Guat hots ausgschaut, also nix wie Vollgas und wieder aufn Radsberg. Mitn Vollgas hots da Onkl Wolfi nit so ernst gnomman. Mit dem Cruising-Speed den er auf da Autostrada an den Tog legt bin i dafür, dass 50-Kubik-Rocker a auf die Autobahn tiafn solltn... Da Chris hot erkonnt, dass er schneller fliagt als er fohrt...

Am Startplatz onkumman worn do a schon a paar Drachinger aufgebaut, also nix wie runter den Geier und aufgebaut den Kerl. A Weisheit hob i a noch erfahren miassn. Die GoPro ohne SD-Speicherkortn bringt nit vül....Wieder guat mitgedocht da Fraissl. Ehrlich gsogt hot gor nit amol so guat ausgschaut. Um dreiviertel 1 is noch immer kana wegkumman, da Schleier Walter is a schon glondet gwesen... um 1 nochan hots a bissl besser ausgschaut und donn hob i ma gedocht: Auf wos denn noch wortn? Also nix wie ausse. Da Tiefi hot a so geton.

I wor glei amol auf 750m und hob eingeparkt, da Tiefi hot a bissl höher eingeparkt und da Lippitz Friedl hot sich a mit die Paragleitinger atosmässig obgekämpft. Auf amol hot des Vario a 2 m/s ongezagt und schon wor ma auf 1400m. Donn Richtung Mostn, standardmäßig, und üban Sender donn auf 1750m aufgedraht. A jo, hob i schon erwähnt dass i im Bodemontl um 7e in da Fruah a 105 FAI-Dreieck ins Compeo eineghockt hob *ggg*
Da Tiefi is donn glei umme zur Matzn, i noch. Da Lippitz mitsomt sein Atos hot gekniffn. Bad decision.

Mit 1200m auf da Matzn ostseitig umagekrotzt samma donn auf die Westseite. Lehrbuchmässig die Abrisskante angflogn und 2.5m/s waren uns hold. Im Lee is schee und schon wor ma mit 4 m/s auf 2300m. Flott weiter zur slowenischn Grenz, gor kane zwasprochign Ortstafeln da hob i mir gedocht, und donn nach dem Motto "going back west" Richtung Mittogskogel aufgebrochen.

Da Tiefi in die Karawankn. Mit GoPro u. SD-Kortn!

Iban Loibl wor a guat oba a bissl später wor ma schon wieder auf 1900m. Vur ane Bergwanderer hom die zwei Abfangjäger im Stealth-Modus aufgedraht und worn glei auf zwadrei. Weitergehts. Auf amol da Tiefi auf Grathöhe mit die Handsch in der VG-Schnur vabandelt hob i aufdakurbelt. A Haufn Verkehr do auf da Südseitn von de Karawankn.

Donn homma uns aus die Augn valurn. I wor jo auf FAI Dreieck programmiert und bin zur ersten Wende. Da Tiefi weiter noch Westen. Zweiter Waypoint wor das Schigebiet Kravavec. Also nix wie Höhe tanken und auf gen Osten. Aussicht auf Slowenien (Bled mit See und Insel) top, Kärntn mit die vielen Seen und de schneebedecktn 2000er
ein Wahnsinn. Wo wor die Speicherkortn nochmal?? Jo nix wie weiter hot mir a Vogl an 4m Bart ongezagt. mit 2400 unter da Wolkndeckn noch Trzic do is donn a 6m Monster gstondn oba die Basis wor tiafa.... Weiter Gas nach Preddvor und donn mit 1700m beim Schigebiet Kravavec (später hob i erfohrn, dass die Petzenflieger do auf Ausflug worn) mit an Paraglider im anzign Sonnenfenster ummagekurbelt. Nächste Station wor jetz da Radsberg. Des is jo bei so ane FAI Dreiecke des leichte, san nur 3 Wendn. Des is oba a schon olles wos daran leicht is :-))
Donn bin i alan weiter und hob mi so a bissl auf 1900 schwindln kennan. Mit a 20m Obstand zu die Felswänd so ane Hebalan mitgmocht wor i auf zwa tausend. Gott sei Donk hot donn a bissl mehr aufgmocht und da Grintavec wor in da Sun, oba hot a an Huat aufghobt. Durtn hin, Obrisskantn jaja, hauts ma fosst die Basis aus da Hond, kummt a fetter Odler dazua. Eh kloar. Wor jo a 5m Gerät wos i do aufdarissn hob juhuuuu. Auf 2500m is donn wieder so komisch neblig gwurdn bin i weiter Richtung Rodsche. Donn a Blick rechts und i hob mi fost ongmocht. Die Steiner Alpen in voller Pracht ganz nahe. Sieg sie jo sunst nur von da weiten oba dafür do aus da Kuchl, WZ, EZ, SZ, Bad etc. ;-)
Gleit gleit gleit gleit, denk i ma wo bin i denn do??? Siehe da, a See, a Kirchn, Teifl eine des kenn i. Eh kloar, Seebergsottl. Donn a zartes 1 Meter Bartili bis auf 2600 ausgekurblt und straight through zum Hochobir. Do steht a schene Nocken, wie da Niki Pichler zu sagen pflegt.
Mit 1900m onkumman auf da Südseitn, hots do wieder ongrissn mit an 5er und da Tiefi is a wieder aufgetaucht. Cooole Gschicht. In nullkommanix wor i wieder auf 2600. Schüttelfrost inklusive. Den Wolfsberger Buabn hot des Heimweh gepockt, is auf 2700m und Richtung Petzn.

Fia mi wors donn gonz easy den Sock zua zu mochn. Iba dem Startplatz zwa Trudla links, zwa rechts a paar fette Wingover und donn Überfeger über Ottis Pavillon. Echt a potzn Gaude gwesen der Tog. Flugdetails san do.

A 109er FAI Dreieck is des gwurdn.Ongeblich des erste dreistellige ever am Radisce! Feini Feini. Des mocht Lust auf mehr!

Die ondaren san a bissl später gstartet und musstn ca. 1,5h warten bis die Querung auf die Matzn gelungan is. I sog jo Timing is des holbe Leben *fg*

Danoch 2 eiskalte Londepatronan in Rottenstan (die Teamchefin is zu aller Freude a noch nochkumman), obgebaut und donn mit die Freind zum Raunjak auf a gebrettelte Jausn. A perfekter Tog!!!

Im Headquarter, Eingeweihte wissen worum es sich hierbei handelt, noch an murauschen Hopfen/Malz-Eistee und donn mitn Chris wieder ham ins Unterlond. Morgen is jo a guat ongsogt. Do gemma donn auf die Goding.

Wies do gongan is, des kennts donn bold amol lesen, wal olles varrot i so schnell nit ;-))

Greez
thome

P.S.: Des Heimweh hot den Tiefi hamgebrocht. 161 Kilo hot der mit sein Wills obgedruckt, unglaublich, ne?

Season Opener 2011

2011-03-28T12:55:00.003+02:00

Auf der Petzenflieger und KGFC Seitn bin i aufmerksam gwordn auf den "Season Opener".

Laut Information gibts News zu Lufträume etc.

Wo? im Airest am Flughafen Klagenfurt
Wann? am 1. April (hoffentlich kein Scherz) um 17 Uhr 30
Wer? i glab olle HG u. PG Piloten

Nähere Info da da da

Cu im Airest
thome

Neue Errungenschaft => Super-Sonic

2011-03-22T11:55:00.004+01:00

Hi Folks,

nochdem i nun schon seit über ana Wochn ausser Gefecht bin (Schafplatter, jo i waaß de hot ma normal mit fünfe) kann i trotzdem a Erfolgsmeldung betreffend Drochnfliagn verlautbarn.

Mei neueste Errungenschaft dank DHV-Gebrauchtmorkt:

Funktionstest über die Stiege hots a schon bestandn :-)

Mein Gott sowas feines und donn a noch um 62% billiger als die unverb. Preisempf. *gg*.

Hoch lebe der Gebrauchthandel, hoch!!

Also cu
thome

Jaga am Eck

2011-03-07T06:22:00.008+01:00

Griss Gott,

nochn Aeros Winterrace 2011 Bora Debakel homma am Somstog den Startplatz Haas im schönen Woli-Land a bissl ausgnutzt.

Am Samstag, gemeinsam mitn "Sugar-Chris" Rosenzopf (Student auf da TU u. im Drochenfliagn) aber ohne dem kickenden Mr. Prountsch (der hot jetzt schon Besseres zu tun als Fliagn gehn tzzz).

Zwa Geier (Willi u. Wolfi) baun schon auf und viere (Gerhard, Thomas, Tiefi jung u. Tiefi alt) wortn nur noch auf uns. Also glei aufpacken und los gehts. Schnelles Überholmanöver, man muss im Sinne des besseren Aufbauplatzes alles geben, und dank Kinderfaschingsumzug a gegen des Fahrverbot usw. :-)

Da Startinger fein aper, Plotz a gnua u. da Wind fein von vurne. Da Miran mit seinem neuen Cite C1, Teamchefinnen-Mobil sozusagen, is a noch erschienen.

Die Drochn aufgebaut und mit die neuen GoPro's versehen. Dank fehlender Halterungen werden aus den Piloten wahre Daniel Düsentriebe!

Miran mit i-pod sound als erster ausse, donn da Willi und da Eder Wolfi. Also auffe grissn hots kan. Da Tiefi mant um 14 Uhr bis 14 Uhr 15 is die beste Zeit. No donn wort ma noch a bissl.

Onkl Wolfi hots donn niamma ausdaholtn und da Tiefi wor a niamma zum Bändign. I donn ausse. Da Gerhard, da Thomas u. da Chris a.

ZZ wors. Ziemlich Zach. Da Miran hot nochmal SP Höhe gmocht und is Richtung Schober. Da Rest hot gekrotzt. Donn hot da Gerhard mitn Siess-Wills a "Bartili" ondazagt und donn gings auf die gigantische Höhe von ca. 1150 m. No passt. Hätt ma des. Donn umme zum Wolfi und glei weiter mit Full-VG Richtung Schober. Übern Bauernhof auf 950m VG ausse und glei rechts eingedraht hot mi die lauworme Luft auf 1250m getrogn. Do wors donn gedecklt. Inversion. Da Tiefenbacher Wolfi is a noch nochkumman.

Anyway, obgedraht, noch ana Stund mit Full-VG zruck zum Weingartn, a bissl "Sponpanadl" u. Happy Landing wo die Hombres a schon gwortet hom bzw. beim Abbaun waren.

Gurtzeig wieder schmutzig, grr, obgebaut huuupts auf amol. A schon ewig niamma gsegana Himmelhund, da Bauer Howy, hot uns besuacht. Heier seg ma uns sicher wieder öfters.....HOLLERREITULIJEEE

Mit Christian noch zum Kraschowitz auf a Faschingsbier und back ins Jauntol wo a schon die Lasagne und da Rotwein auf mi gwortet hot.

Alles in Alllem a würdige Fliegerei de extreme Lust auf mehr macht.

Pfiats eich und bis bold.

thome

P.S.: Bericht Aeros Winterrace wird (vielleicht) nachgereicht ;-))
P.P.S.: next weekend is da Rodschberg dron

Sonniger Süden

2011-02-21T16:54:00.003+01:00

mir san aufn Weg zu dir.

Morgen a noch frei gnomman sodass ma mitn Tiefi den slowenischen Luftraum schon vorab erkunden können.

Am Mittwoch gehts looos. Spannung steigt.

Infos unter

Aeros Winterrace Blog

Homepage

Je nach Internetz wirds das eine oda andere Gschichterl a auf mein Blog geben. Getwittert wird auf alle fälle. Also "Follow me" on Twitter

Bis denne
thome

Nova Gorica

2011-02-11T08:41:00.006+01:00

Hi folks,

Soda (mit Himbeer), jetz homma den Salot, den Tiefi werds gfrein. Die Jungs aus Nova Gorica hom schon des erste "Jokale" gezogen und die Veranstaltung aufn Ausweichtermin (23.2.-27.2) vaschobn.

Anhand des rechten Schaubildes kann man recht gut meine Gemütslage erkennen...

No schau ma amol, hoffentlich passts Wetter am neuen Termin.

Greets
Thome

AEROS Winterrace 2011

2011-02-08T09:20:00.004+01:00

Dobro jutro,

wie schon letztes Jahr findet nächste Wochn wieder das AEROS Winterrace statt. Startkontingent wurde auf 60 Piloten aufgestockt. Alles dabei wos wichtig erscheint ;-)

Jetzt heißts nur noch auf guats Wetter hoffn. Bora (wie letzts Johr) muass nit unbedingt kumman.....

Berichte von Matjaz Klemencic vom 2010 findets do.

Mitn Tiefi samma vor Ort und werden unser Bestes versuchen. Die Nachhut, verkörpert durch Mr. Prountsch, Christian und Leime, werden am Freitag od. Samstag nachkommen. Der Sonnenkönig der Drachenflieger Klagenfurt Viktor der Große überlegt a noch, ob er gemeinsam mit dem Burgfräulein Doris in die slowenische Provinz aufbricht.

Nun denn

Zdravo

Thome

Seegruabn

2011-02-05T10:40:00.002+01:00

Hi Folks,

von da Seegruabn in Innschbruck (Alpen Open Startplatz) a fesches HD-Video:

Mein Gott in Tirol homms sogor Thermik bei Schnee.... de san uns meilenweit voraus de Burschn ;-)

Bis denne

thome

Fliagn

2011-01-30T20:06:00.007+01:00

Seass,
heite mitn Tiefi und mitn Willi, noch ana Eberhart-Toast Spezial Stärkung, am Rauchbauer und i konn eich ans sogn: "Es thermlt schon a bissl" und des trotz Obschottung.

Da Tiefi hot gmant, des war heit volle gongan, wenn die Sun länger do gwesen warat... Anyway, a holbe Stund wors und mei erste Londung (mit Tiefi im Duett) mit Bremsschirm. Is oba erst währendn Ausstoßn aufgongan der Hund.

Schen wors und kolt wors oba die Londepatronen aus Murau hom des Wohlfühlbefinden wieder herstölln kennan ;-)

See you
thome

Nimis - Friuli

2011-01-25T09:31:00.012+01:00

Griass eich,

am Sonntag wars wieder soweit, nachdem i am Samstag Hahnenkammrennen gschaut hob grrrr, hot miassn da Sonntag herholtn. Da Tiefi hot jo am Samste schon 40 min. am Haasen Airtime gsammlt und so wollt holt i a.

Mitn Fritze (Itze) Mairitsch homma a schon ausgmocht ghobt, dass i amol mit noch Friaul fohr. Da Leime wor jo schon öfters mit. Also Treffpunkt Bauernimbiss - Völkermarkt West; Außentemperatur -12 Grad! - um holba 10e. Des is christlich. Kurz gredet wegen an Londeplatz, hot da Itze glei an gecheckt und donn gings mit cruising speed 110 km/h gen Italien. Auf die Langgutfuhrtafel - jo des brauchst als seriöser Drachenflieger - hob i diesmal nit vagessn. Somit glei amol 79,82 Euronen gsport... perfekt.

In Gemona - Osoppo homma uns donn wieder getroffen und san im Konvoi noch Nimis gfohrn. Außentemperatur +7 Grad!! Auf amol bleibt da Itze stehn und mant er hot sich vafohrn, oba die Landewiesn muass do hintan Berg irgendwo sein. Er zagt ma oba noch an ondaran Plotz... I hob ma gedocht des kann ja "eiter" werden...

Oba die Landepiste mit einer Riesenlaterne mittendrin hot gepasst. A bissl weit weg vom Startplatz oba durchaus guat.

Also nix wie auffiii...

Obn onkumman, da Leime hot den Scout gmocht, hätt i fost den Auto-Schlüssel vagessen da Chefin geben. Hot sie mi glei ongeknurrt grrr

Da Mothe hot ma gholfn des Litespeed-Untier zur Starting Area zu hieven. Nit amol so wenig Felsn und zum Schluss a bissl flach is mir durch den Kopf gongan, oba es gibt jo noch an! Der "untere" SP hot donn oba gepasst. Insgesamt wor ma 5 Fliega...aufageblosn hot a fein und wooorm wors... de san uns do untn mind. a Monat voraus.

Itzy glei als erster, da Jürgen noch, donn i und donn da Leimi.

Am Onfong is glei a bissl weggongan, da Itze hot fest fotografiert oba donn wor zum umakrotzn in "bumpy air". Max Alt. 750 m. A bissl a Unterschied im minimum Speed is zwichen para u. delta schon is mir aufgfolln. Ane Einheimischen san donn a noch gstartet... Zwischen SP u. LP (Delta) wern schon 4 bis 5 km sein. Da Start auf 700m da LP auf 250m, nach Adam Riese bleibt nit vül, bin i donn noch ana guatn holbn Stund londn gongan. Zwischen die Häuser, über a Kirchn zum Schluss noch die Laternan und donn butterweich aufgsetzt.

Blick auf den Startplatz am Mnt. Bernadia

Die Teamchefin is donn a bold amol eingetrudelt, den Drochn vapockt, die Tofl! wieda auffe und umgezogen gings dann in die Fliegerkneippn wo da Marco schon auf uns gwortet hot. Da Itze is mit die Jungs nochamol auffe.

Wir hom uns schon dem Vino Rosso und dem Prosciutto hingegeben. Auf amol worn a Haufn Fliega, da Fasan und Polenta sowie Weisswein und der italienische Schenkelspreiza - Fragolino bianco - am Tisch.
Wenn da Fogolar im Hintergrund a noch fein brennt - donn komma entsponnt über die Fliegerei reden und Grappa genießen. Alle sehr sehr nett und auf alle Fälle wirds ein Wiedersehen im Frühjahr geben. Do solln donn die Bergketten Richtung Kobarid in Angriff gnomman werden. Von wo aus is noch offn. Gibts jo mehrere Startmöglichkeiten.

Ciao belli
da schworze

P.S.: A bissl a Story und Bilder ohne Ende vom Fliagn u. Zommansitzen gibts beim ITZE. Danke an ihn nochmal für das "Einführen" in die nette friulanische Fliegerwelt ;-)

Start ins 2011er

2011-01-08T09:42:00.005+01:00

Howdie,

also am Jahresende hob i bei der Sylvesterfliegerei nit dabei sein kennan. Büroarbeit verpflichtet ;-)

Aaaaber, zur Jahreswende den Neujahrsvorsatz glei amol definiert: "Mehr fliagn!!" Is jo nit so schwer.

Gesagt getan, am 1/1/2011 mitn Tiefi und mitn Prountsch (neues Gesicht im Fliegerzirkus) um dreiviertel ans am Londinger ausgmocht. Husch Husch den Drochn aufn Honda und noch 3 Landebiere eine und samt Teamchefin und Fotografin gen Wolfsberg aufgebrochen.

Auf da Grillitsch Wiesn a Rieseneisplatten, also nochmal den Grip prüfen, den Prountsch einweisen, ausrauchn, aufsitzen und auffe aufn Berg.

Ziel wor da Rauchbauer. Wind - kana - also passt. Aufbaun und Obgleitn. Da Tiefi noch a Wölln von Sylvester, dabei is er eh fruah hamgongan, und da Frank a bissl Muffensausen. Wor jo sei erster Alleinflug ohne dem Ganther Klaus.

Da Tiefi als erster, da Mr. Prountsch nummer zwei, onkel wolfi als dritter und last not least i. Die Starfotografin hot beim Start a noch a paar Serien gschossn und wir san fett obgeglittn. Beim Schober a bissl gekrotzt und donn in den Kaltluftsee eingetaucht.

Alle perfekt glondet, da Pruntsche is glei amol Nord ongflogn wal hot er miassn a bissl sightseeing betreiben und die Vne a noch testen ;-)

Donn die drei Murauer Hülsn aufgrissn, beim Stopplspiel noch a Kistn Bier gwunnan, so konn des Johr weitergehn. Mein Gott lechz i schon noch longe Flüge....

Werd sicher a Klasse Saison werden, alle top-motiviert und die neien Flieger wolln a auffe.

Des wors dawal

bis bold

thome

P.S.: Bilder doooo

Florida 2010

2010-12-26T17:11:00.001+01:00

Griass eich,

vadommt i mog a!!

cu
thome

OweGASN

2010-11-15T21:07:00.011+01:00

Gruss ditsch,

am Weekend gabs a fette Veranstaltung im Tiroler Land. A Speedrun. Genau, da listige Leser denkt sich jetz, schon wieder?? Wor jo grod erst in Salzburg (Gaisberg) ana.

Video(s) is(san) a schon do

OweGASN - Kaiserwinkl HammerDown from MatzeSki on Vimeo.

OweGASN Behind the Scenes from MatzeSki on Vimeo.

Auf pdc-kaiserwinkl.at gibts de Gschichtn und pics. Training und Wettbewerb und am Abend a bissl a Bier a. Do muass jo murds wos los gwesn sein.

Hoffentlich mochens des nächsts Johr wieder. Tat mein schworzn a gern amol "OweGASN" ;-))

cu
thome

Und er fliegt doch

2010-10-03T20:59:00.012+02:00

Chris Gott,

also, im Juni hob i jo an Oldie-but-Goldie in Melk beim Manfred obgholt. A bissl a Gschicht hob i schon amol gschrieben in an älteran post. Nochdem i jo fost ka Zeit hob, hot des mitn "Revitalisieren" a bissl gedauert. De Gummis getauscht (bei die Segellatten - sofern ma des als Segellatte bezeichnen konn) und die Schniadl fia die Fixierung vom Segel am Gstöll. Da Rest is in erstaunlich gutem Zustand.

I hob ma gedocht des muass reichen fia an Übungshangflug. Gesagt getan, da der Mr. Prountsch mit Schwager Chris, beide aus Ruden, grod den Grundkurs beim Klaus besuachen tat des jo passen und fad warat a nit.

Am Somstog wors donn so weit. Da UP, i glab des is a Condor aus dem Jahre 1978-1979, die Flügalan ausgstreckt und schon ziemlich geil aufs Fliagn. Is jo logisch, is jo a schon seit ca. 10 bis 15 Jahre abstinent. I ehrlich gsogt a, bezogen aufs erstere. Da Untaschied zum Litespeed soll jo a urdentlicha sein. Zu die ondaran Turmlosen is ongeblich nit so viel um....

Dank dem Kamerakind "Teamchefin", mei Weibale is jo a überall dabei wo's blau ausseraucht, is a Fülm fia die Nachwelt a schon online

Man muass sogn, soooo guat is die Gleitleistung gor nit. Fia an Konturenflug mit erhöhtem Adrenalinausstoss, Speedrun oda "wer is ersta im Tol" eignet sich der Donnervogel auf alle Fälle. Im Frühjahr werd i ihm am Radsberg a bissl Thermik schnüffln lossn. Wer weiss, gach gfollts ihm auf 2000m. Man wird sehen.

pfiats eich
thome

P.S.: Is eich aufgfolln, dass de UP-Liegeschürzn forblich genau aufn Flieger obgstimmt is? Wahnsinn!

Mein Gott

2010-09-20T16:28:00.001+02:00

des is oba ins Auge und donn in die Bama gongan

Whoops! from NMERider on Vimeo.

Au weh sog i do nur!

greets

thome

Untersegel

2010-09-14T16:28:00.005+02:00

eben noch mitn Tiefi drüber gredet und schon auf ozreport.com gsegn. Von Willswing des neue Untersegel...

Echt a fesche Gschicht.

cu
thome

Fülm

2010-09-14T11:13:00.002+02:00

a nettes Filmale im I-Net.

Zippy from David Aldrich on Vimeo.

lg thome

P.S.: unglaublich aber wahr, am Weekend wor ma (Walter, Thomas, Tiefi u. i) Flügge. A mords Schwitzerei wegen Rüggewind und Seidewind. Donn doch dastartet. Wie ma beim Landebier (für die Kinder hats Radler geben ;-)) hotts donn aufgrissn und die Luftmatrotzn mit Schniadl san GFLOGN!! Mein Gott.

Hommage an die Senioren

2010-09-02T14:16:00.003+02:00

Griass eich,

vom 11. bis 17. Juli fand bekanntlich das World Masters im Drachenfliegen auf der Embo-Alm statt. Bin fünding gwurden, es gibt auch a Video.

Coole Gschicht. Aufgepasst, am Ende wird a noch da "Onkel Tiefi" gnannt :-) Glückwunsch zum dritten Platz Wolfgang.

pfiat eich
thome

P.S.: Nächsten Samstag findet a fette Fliegerparty inkl. Speedrun am Gaisberg stott Infos

EM u. WM und a Flieger

2010-08-03T10:52:00.011+02:00

Hi folks,

EM in Ager is Geschichte - neuer Europameister is da Gerolf Heinrichs - alle infos auf ager2010.com. Des Team is knapp 2. gworden.

Aktuell is die Vor-WM am Monte Cucco. Fian Ruhmer Manfred schauts noch zwa Tasks schon amol nit so schlecht aus ;-). guckst du Cucco2010

Unser Tiefi is a dabei und noch a Haufen Österreicher. Good Luck guys.

So schauts am Start aus wenn 140 fliagn wolln

howdie
thome

Ajo da Tiefi hot mi gebeten ob i sein Drachen auf mein blog feil bieten könnt... also

ICARO Laminar Zero9, 13.7, a paar Carbon-Options und schönem Segel. I glab die Verhandlungsbasis is EUR 4.990.-. Fia a Baujahr 2009 nit vül find i. Burschen schlagts zua

e-mail: tiefenbacher_chris@gmx.net od. Tel.Nr.: +436643881298
Foto a noch:

Die spanische Fliege

2010-07-05T10:11:00.004+02:00

Griass eich,

eben mit die Tiefis noch auf der Gerlitzen, geigt da klane Tiefi schon auf da iberischen Holbinsel.

Der Bursche is guat drauf. Onscheinend a guat drunter. Untan Drochn man i :-)

Nach 3 Tasks auf exzellentem 9. Platz.

Infos über die Wertung unter Campeonatodespana 2010

Tiefi moch weiter so.

bis denne
thome

Gerlitzen und Lippekogel

2010-06-30T14:36:00.012+02:00

Griass eich,

noch Bassano, jo des wor zu die Ostern, endlich wieder a bissl flügge gwurdn. Am Sonntag hot die Lavti-Abteilung mitn Tiefi Chris und Onkel Wolfi mit mir gemeinsam auf da Gerlitzen zuagschlogn. Zuerst wollt ma jo aufn Singerberg oba noch kurzem Telefonat mit da Pacheinerhittn homma umgsottlt auf den Aussichtsberg. Der haßt deswegen so, wal ma do a schene Aussicht aufs Kärntnerland inkl. Seen hat.

Am Startinger hom die Parapente schon umagspült und wir schleunigst aufgebaut. Aufgabe wor noch Wolfsberg fliagn. Bei 2200m Basis a sportliches Ziel. Donn noch da Reih ausse und gen Osten. Feldkirchen wor der erste Punkt.
Da Wolfi is auf da Gerlitzen gebliebn, wal der wollt nämlich unbedingt neben die mitgebrochtn Gösser Naturradler londn ;-)

Mitn klan Tiefi homma donn ummagekrotzt, i schon wieder auf 14-15 hundert, er a nit viel höher, und noch amol 2200 gmocht. Er, pflichtbewusst wie er is, a glei weiter Richtung Wolfsberg. I, selbstlos wie i bin, VG 100% und Richtung Gösser Naturradler, is eh kloar.

I noch a bissl noch Norden und Süden und Westen, nit viel km, a paar Wingover und donn nach 2h Londung. Teamchefin hot a schon gwortet. Glei drauf is da Wolfi a noch eina. Da Sugar-Chris is in St. Urban obgsessen und hot sich, wie wir später erfuhren, die Zeit mit an original Lavanttaler "Mittogsschlafili" vertrieben. Zeitgleich hom wir von der angrenzend wohnenden Landeplatz-Hex a verbale Breitseite eingfongan. Hot den Abbauprozess aber enorm beschleunigt ;-)

Thome bei der neuen olympischen Disziplin, nämlich "Carbonkielrohr" stemman!

Den Tiefi aufglesen in St. Urban und donn wieder ham. Schen wors nix is gschegn. Hurraa. Fotos hot die Teamchefin a gschossn. Muchos gracias an dieser Stelle.

Am Dienstag kriag i vom Leimi, Ex-Drachenflieger und jetz wieder Paragleiter, um 0700 a SMS: Heute Lippekogel? Immer sehr direkt der Bursche. Wor ma i noch nit so sicha, oba auf da Gerlitzn hots Ost ghobt und donn bin i a aufgsprungan aufn Flug-Zug.

Um 1745 Treffpunkt in Brückl. Passt. Er is schon mitn Karnicar Chris auffe und i noch. Homma den Itzefly a noch kennenglernt und glei wos fia San Simeone ausgmocht. Holba siebane wor a schon und ka Wonderwind wo. Glei a laues Lüfterl wor dooo... Wurscht hob i ma gedocht und bin gstartet. So Wurscht wor donn gor nit. I beim Starten in ana Muldn gstolpert, Nullwind und da Fliega werd nit fliagat. Biagt der Hund links ob genau Richtung Bama!! Zufällig, muass jo sooo sein, homs do a gfilmt und fotografiert, aber schauts selber

Bei so ane Gschichtn miassn die Trapezstangalan gonz schen leiden beim Gegensteuern, oba donn is sich doch noch ausgongan und die Bama kennan weiterwochsn und da Litespeed bzw. da Thome noch weiterfliagn ;-) Gongan is gor nix und somit wor noch 13 Minutn a wieder a Gras unter die Fiass. Bei die Paraglidinger is a nix gongan. Fotos san a poar aufn Blog vom Itze.

Donn noch den Wagen holn, der is jetz übrigens mit Staub paniert, und schnell noch Klan St. Veit auf zwa Patronan Puntigamer.

A muadsdrum Action und nit vül wos draus, oba so konns da gehn wenn ka Glück host und Pech a noch dazuakummmt.

Also durchschnaufn und Kräfte sammeln fia die Rosentalter Mastaschoft am Somstog.

Story to follow.

See You
thome

Staats 2010

2010-06-17T08:22:00.003+02:00

Howdie,

bin fündig gwurdn. A fesches Video von da Stootsmastaschoft 2010 auf da Schmitten.

Staats 2010

Bei de Bülda.... schod wenn ma nit dabei wor :-(

cu

da "flugabstinente" thome

Aluminiumlegierungen

2010-06-10T14:57:00.007+02:00

san onscheinend a niamma des wos sie amol worn. Des Zeig holtet jo gor nix mehr aus. Schauts eich des on, so a Glumpat:

Do haut ma am besten glei den Huat, oder in dem Foll den Helm, drauf! ;-)

Mit an oltn UP war des wahrscheinlich nit passiert ;-)).

so long

Präsi

2010-06-08T22:12:00.005+02:00

Hi Folks,

also die Überschrift hot nix mit Präservative zu tun, sondern es geht ausschließlich um den Obmann und somit Präsidenten des Klagenfurter Drachenfliegerverein.

Der Atos-Kerl is onscheinend klammheimlich am Samstag auf die Embo-Alm und hot viel vur ghobt. Guckst du:

hiiiiiiiiieeeeeeeerrrr

Viki, gratuliere, echt a fetter Flug. Da Teifl, des nächste Mal sogst wenn auf Streckn gehst, host du ghert????

Howdy,

thome

P.S.: Hut ab vorn Tiefi!!! Der Kerl werd anfoch so 15. beim Schmittenpokal (Staatsmastaschoft). Fetter Respekt vurm Nils Holgerson aus dem Lavtitol :-)

Oldtimer

2010-06-05T21:39:00.011+02:00

Servas die Madln, griass eich die Buam,

also, hmmm, wie soll i sogn, letztens im dhv, genauer gesagt in der Gebrauchtdatenbank der deutschen Kollegen bin i hellhörig gwordn.

I hob jo im 2007er Johr a UP Liegeschürzen vom Ippisch Rudolf gekafft. De is schwarz/rot/orange/gelb. Zum Fliagn echt a Hit und bequem a noch dazua :-))

Wie gsagt im DHV a Drochen drinn. A UP in schwarz/rot/orange/gelb in sehr gutem Zustand und aus den 70er Jahren. Für Selbstabholer gratis aber in Melk zum Abholen...

Anyway, eine in Hondo mit da Teamchefin, des Ganze über Zeltweg und Eisenerz noch Wieselburg und donn rechts obbiagen noch Möööök.

Da Manfred Fischer und die Gabi homm uns donn erwartet und glei auf an Kaffee mit an Mörder-Apfelstrudel in die gute Stube einglodn. Da es ziemlich "gschifft" hot aber dann doch aufgeklart hat, homma den alten Burschen aufgebaut. Is echt noch tadellos beinander der UP. Wie er genau haßt waas kana (Infos erwünscht) oba soll ana der ersten Outrigger-losen Geier gwesen sein.

Donn den Draken in die Regenhaut und auffe aufn Wogn. Danach homma mitn Manfred und da Gabi a lot of hanggliding infos ausgetauscht. Verschwindibus und gleiche Strecken wieder retour.

Des Schnitzl beim Huaf is ins Wasser gfalln, somit hot da Mohe herholtn miassn.

Heite hob i ihn des erste Mal aufgebaut, aber seht selbst:

A paar Gummischniadlan tauschen, es fahlt a nit viel bei die Kauschen..... da Thome werd bold oldtimermäßig obtauchen..:-)

Bin schon gsponnt wie da Geier geht bzw. wie des so wor domols in die End-siebziger.

Bericht von da Übungswiesen folgt gewiss. Mehr Bilder hier.

Happy Landings

Thome

Swooping Wolfi

2010-05-15T15:44:00.002+02:00

Griass Eich,

da Wolfi Siess swooped in ana Tour. Jetzan a unta ana Bruggn, do muasst er sich recht buggn...

Well done, Wolfi.

lg thome

OÖ Landesmastaschoft

2010-05-12T10:30:00.001+02:00

in Windischgarsten is leider obgsogt wurdn. Da Wettergott hots a am Ausweichtermin nit guat gmant....

lg
thome

Bassano 2010

2010-05-05T09:44:00.007+02:00

Griass eich,

bekanntlich san jo da Tiefi und i anfang April bei die Italiena mitgflogen. Wetter wor nit so guat (2 von 5 Tasks worn möglich) oba dafia die Pizza und Pasta. An Bericht von dem Competition-Trip findets in da Flugpost vom Rossmann Daniel. Do hob i a bissl wos gschriebn. Ka Ongst nit in Mundort ;-)

Ciao

Thome

P.S.: Results findets do

Jahresanfliagn aufn Radsberg

2010-04-27T16:07:00.013+02:00

Hi folks,

lang lang is her, dass wir (Drachenflieger Klagenfurt) unser alljährliches Jahrsesanfliagn vollzogen hom. Genauer gesagt wors am 28.3.2010 - Palmsunntog.

Da Viktor hot a vielversprechendes Rund-SMS auschgschickt.... Anfliegen 2010, Kisten Bier etc. etc. oda so und anige Hendl hom den Hohne gfolgt und san tatsächlich erschienan.

Wos auffallt is, dass jetz schon anige Atosse do dabei san. Oba die Flexis san schon noch in der Überzahl. Da Startplatz is perfekt gschlägert wurdn und offeriert nun Berge von Platz.

Obwohl schön sonnig, hot des Wetter vom Westen her nit grod prickelnd ausgschaut. Also san da Friedl L., Martin G., da Walter S. und I gschwind ausse. A paar Para-Pufftis hom schon gedraht. I glei erster und hobs glei dawischt. 1200m worn glei gmocht. Zwa Überfeger, a bissl des Zielfernrohr einstelln, und donn umma krebsn. Mitn Friedl an Bart ausgepockt und auffe auf 1450m. Wor a des maximale. Im Nordwesten, Moosburg u. Klagenfurt, is schon obekumman der volle Guss. Hob i holt a bissl zum Klan Obir gstreckt die gonze Gschicht. Da Walter, Martin u. Friedl san schon glondet gwesen und wal die Sun (hahaha englisch und kärntnerisch gleich) wor schon weg hob i noch ana knoppn Stund a an null-wind Londa hingstöllt.

Die anderen Kollegen san aufgrund von Seiten- u. Rückenwind nit dastartet. Ka Mensch hot mehr an Fliagn gedocht, die Paragleiter san Top-glandet. Die armen Kollegen (zu dem Zeitpunkt) hom a schon on zommpockn gedocht.

Auf amol mocht die Wolkndeckn auf und brotet so richtig oba. Mir beim Abbaun von de Drochen schon gschwitzt, haun sich die ersten Paragleiter ausse. De Hund hots glei so auffegsaugt. Da Viktor, da Maxe und da neie echte Flieger Georg (hot vom Bösen zum Guten gewechselt PG->HG) a glei noch. Auf 1600 sans donn obgflogen Richtung Sender. Und donn wor a schon wieder aus mit starten. Da Nordwind hot durchgegriffen und wieder Rügggewind am Start. Pech fia die am Boden gebliebenen.

Noch an zwa Londebier und unzähligen Seufzern is a schon da Maxe Daffinger glondet. Siehe da mit Wing Over und "ich bin entzückt" Beinen. Bis auf 2700m is gongan, er is zur Matzen, Freiberg und Hochobir. Da Viki is noch weiter Richtung Petzen untawegs gwesen. Gonz Ham kumman is er leider nimmer....

Olles in Ollem wiederamol a fantastische Gschicht. Lustiges Zommansitzen bei a paar Punti's, fette Fliegerei, wie schon den gonzn Winter geplant. Flugsaison 2010 - die Drachenflieger Klagenfurt kommen - mit Gebrüll ;-)

Bilder wie immer do

Ciao belli

da Kassier

Osterhasi hat zugeschlagen

2010-03-26T10:13:00.004+01:00

Burschen, für alle die sich nach dem Aeros Angebot sehnen muss gesagt werden: "too late"!!

A gonz schneller Mann hot schon heit in da Fruah zuagschlagen und alles in Bausch und Bogen aufgekafft.

Jo so is. Des Lovntol valiert damit an ehemals leidenschaftlichn Vielflieger mit sehr guten Akro-Fähigkeitn. Und i an wunderbaren Fliegerfreund. Gott sei dank nur als Flieger. Unpackbar.Werd glei amol mit Franzbranntwein gurgeln.

So long
thome

Winterschlussverkauf

2010-03-25T14:21:00.010+01:00

Heute fangfrisch anzubieten....

Gordons Aeros Combat steht zum Verkauf.

Aeros Combat L 14 Bj. 08/2008
Untersegel blau,weiss,rot
Obersegel komplett Smoke
Vollcarbon
2 Stk. Reserve Trapez
nur 20 Flüge - wie neu!!

Skyline Gurtzeug FR
blau,rot
Bj.2007
Größe ca. 185cm
mit Bremsfallschirm etc.

Bräuniger Compeo
inkl. Halterung

Das Ganze um österliche EUR 5.000,- (VB natürlich :-)

Kontaktaufnahme bitte mit dem Eigner selbst

fon: 0676/....
e-mail: gordon.hrgota(äd)honda.co.at

Bis denne
thome

Bora Bora

2010-03-10T19:58:00.004+01:00

Nix is gwurdn aus dem Thema Winterrace 2010. Obwohl Winter war jo.... grr zum zweiten mol den Urlaub vaschobn und nix gflogn. Wenigstens am Bau is wos weitergongan.

Anbei da link zur Veranstaltung. 1. Task is gecancelled wegen da Bora (hot nix mit da Insel zum tuan :-))). 120km/h und mehr.

Bora in Slowenien

Zumindest braucht ma nit vül lafn beim Starten, oda besser ma braucht gor nit aufn Berg auffe... glei am Landeplatz an "Rocketstart"!! ;-)

So, donn nehm ma amol die Hohe Wand ins Visier. Do werd a Pokal ausgflogn.

greets

thome

Slovenia

2010-03-02T08:47:00.003+01:00

dass bei uns schon thermisch gekurbelt werd hot ma am weekend gsegen. Der findige Drachenflieger spechtelt oba a gern amol zu de Schnirdl-Fliega und wurde prompt fündig:

111e aus der Region des Aeros Winterrace 2010

Des klingt jo vielversprechend für nächste Wochn.

so long

thome

Haasen

2010-02-21T19:24:00.004+01:00

wie gsogt, alternative zu Buzet und Aeros Winter Race is und bleibt zu der Jahreszeit unser aller HAAAAS.

So wors a heit. 4 Mann (Tiefi jung, Tiefi alt, da Willi und i) auffe hot guat ausgschaut, ongsogt wor a nit schlecht.... nur des Wetter wor gor nit amol so guat. Ongeblich hot heute der Speedrun von die LGFCler stott gfundn. 4 Drochn dabei.

Kurz vur 14 Uhr Start, a guate holbe Stund a bissl zum Schober und Umgebung ummagekurbelt und Londung. Meiner Meinung nach net schlecht fia Feber. Die Kollegen worn do, Landebier haltend, onderer Onsicht. Stunden hättens sein solln *gggg*

Anyway, im Schnee noch euphorisch abgebaut und donn "Abflug" nach Völkermarkt

happy landings
thome

P.S.: Dass da Tiefi (Chris) mitdenkt, hot er heite eindrucksvoll bewiesen. Reisst die Tür von sein Bus auf und kullern glei fünf Londebier aussa. Er studiert jo, wahrscheinlich Physik... der Hund nutzt den Schnee eiskolt zur Kühlung der hitzigen Biere ;-)

Juhuuuu

2010-02-20T08:43:00.003+01:00

noch mehr Vorfreude..... Da Bewerb is auf 10. März 2010 vaschobn wurden. :-(

Konn i wenigstens a noch a paar Übungsflügerl am Haasen onreißen, sowie da Tiefi. Der Kerl is de Wochn schon 5x obgeglitten.

bis denne
thome

P.S.: Zur Zeit is jo a abordnung der Kärntner Drochenflieger in Buzet (Hrvatska). Wer mal auf den Zahn fühlen, wies so is.

Vorfreude

2010-02-18T11:45:00.007+01:00

is bekanntlich die schönste Freude. So is a bei mir, denn da thome fliagt nächste Wochn mit beim

in Sloveniaaa. Startplätze san Kovk, Kobala und Lijak. Fünf Tog noch da Reih, ob i des ausdaholt bin i ma noch nit gonz sicha...

Da Tiefi wor so frei und hot mitn Wolfi Swoop-Siess a Platzerl in sein weltbekonntn WILLSWING-Bus fia mi ausdahondlt... juheee

Hoffentlich passts Wetta und is nit sooo kolt. Teilnehmerlistn is a guat gfüllt (siehe rechts bei die links) und freilich freu i mi auf die "hundstrümerl" sprich Cevapcici a schon enorm.

So long

thome

RUHM AIR

2010-02-11T14:24:00.005+01:00

Seas,

beim neulichen Umatumsurfen is ma was cooles aufgfallen. Da Ruhmer Manfred hot do wos schens gebastelt.

guckst du: Icaro Nano Trike (Video ist in Bildmitte)

A Wahnsinn wie "easy" des ausschaut. I tat sogn fia die thermikfreie Zeit oda fia die "moderne Hex" sicha a mehr als lässiges Gerät...

Bis bold

lg thome

Alternative

2010-01-23T08:59:00.004+01:00

Morgen die Herrschaften,

unbekümmert und nichtsahnend wie i nunamol bin hob i a Alternative zum aüßerst anstrengenden Fußstart im I-net gfunden.

Wies ausschaut san uns die Schweizer schon a bissl technisch überlegen a. Man beachte das Rückholseil. Do hot ana schwer mitgedocht od. is nur zfaul zum "Holngehn".

bis denne

thome

P.S.: Neuer Link in der Liste. Die Aflenzer Drochenreiter. Wer ma amol ummeschaun miassn ins Mürztal... wal do wor i noch nit ;-)

Flugpost vom Klaus

2010-01-19T15:05:00.008+01:00

Seas,

was nit ob i a schneller bin od. nit, oba auf alle Fälle hob i den link zur Flugpost vom Skyvalley-Klaus ausfinding gmocht.

Da Chefredakteur is da Rossi Daniel. Gemeinsam bringens quartalsweise News und Gschichtn vom Drachenfliagen ausse. 3 Mal is schon ausgschickt wurdn. Die 4. Ausgabe hot da "Norbert grod in Orbeit"...

Link is da da da

Fotos, Archiv und und und is do zum Finden.

greets
thome

P.S.: Wer die Post nit zuagschickt kriagt konn die Adress bekanntgeben. Dann wird er kostenlos beglückt ;-)

Forbes 2010

2010-01-03T16:53:00.006+01:00

Hi Folks,

in Forbes is heit losgongan. Down Under fliagns zurzeit "pretty well"!

Infos (sehr, sehr) zeitnahe unter:
Moyes Gezwitscher ;-)
Jamie Wanders

Videos von jedem Task von Jonny Durand
Jonny Durand

Results Forbes 2010
Ranking

Anscheinend nit viel Ösis dabei. Jo,jo die Krise.. :-)

lg
th.

P.S.: Forbes Startfotos Task 1 hier

Nostalgie

2010-01-02T14:11:00.016+01:00

A guats Neigs,

amol fia olle Stammleser und -innen ;-)

Nochdem des Wetter nit als des thermikträchtigste erscheint und nit amol gscheid a Obgleiter drinn is wenigstens wos zum Schaun.

Coole Pic's als die Drochenfliaga noch zahlreicher vertreten worn als ...... den Rest konn sich jeder sölber zommreiman ;-))

Also auf gehts:

Drochenfliagn anno 1975

Staats 1980

Kössen

Echt Klass wenn ma denkt, dass

- do noch ka Mensch wegen an zu tiafn pitch umagjammert hot
- ka Hund mit Radl gflogn is
-Strömungswiderstandskoeffizienten noch nit sooo an "Tiroler" gspült hom
oda
- die Drachenflieger mit an Porsche gfohrn san
- Sturzkappen statt Helme aufgsetzt wurdn

*fg*

Whole gallery toto

greets
suchaschneck

P.S.: Waas jemand wo die Staatsmastaschoftn 1980 stottgfundn hom????

Österr. Staats 2010

2009-12-26T09:16:00.003+01:00

Howdie,

Staatsmeisterschaft für die Klass FAI 1 u. 5 in 2010 is schon ausgschrieben. Die Schmittenhöhe is dron... klingt interesting.

Termin is vom 3. bis 6. Juni 2010 und werd von die Ikarusse in Pinzgau vaonstoltet. Teilnehmerfeld is mit 100 Fliaga begrenzt..

Mehr Infos unter www.ikarus-pinzgau.com

Greets

thome

Weihnachtsfeier-Behauptungen g

2009-12-12T12:06:00.008+01:00

Letztes Weekend wor die Big X-Mas Party im Lavantaler Pollheimerhof. Alles wos Rong und Noman hot wor do vertreten....

Nach Willis Video (jedes Jahr das Highlight der Feier) und der Ansprache vom Flugsaurier "El Presidente" gabs dann auch bold wos zum Einschmeissen.

Natürlich wurde allerhand besprochen Fliegerei, Hausbau etc. etc.
Zwei Plastiksackerlflieger, Mirijam und Christian (Namen wurde nicht nur von der Redaktion geändert) hom behauptet, dass sich ka 100er FAI Dreieck im Tal ausgeht. Zumindest nit mit Wegpunkt Muta und Ruden.... also check it out Joe

FAI 100km
Turnpoint1 (Muta): 46.64567° N 15.18173° E
Turnpoint2 (Ruden): 46.65698° N 14.79172° E
Turnpoimt3 (Gräbern): 46.92870° N 14.87000° E

FAI 140km
Turnpoint1 (hinter Muta: 46.63624° N 15.32181° E
Turnpoint2 (Ruden ): 46.65886° N 14.80270° E
Turnpoint3 (Reichenfels): 47.00835° N 14.73129° E
Strecken-Planer

Mei Vorjahresflug (vül hot nit gfahlt..., 4km weiter nördlich donn hätts gepasst ;-))
91er

bis denne
thome

P.S.: Ajo, heite um 1 Nochmittag 3 Paraglider aufn Lippekogel beim Soaren gesichtet und des bei Nord! De Hund hom wieder mehr gwusst... :-) VIDEO is a scho do!!

XIII Open de Canarias de Ala Delta

2009-12-08T10:27:00.003+01:00

Hello again, du ..... (na ka ongst den Karpfenteich sing ma nit weiter..)

derzeit werd jo grod in Spanien auf da "schworzn Insl" Lanzarote gflogn. Mächtige Österreich Beteiligung inklusive.

Für olle de ihre spanisch Kenntnisse aufmöbeln möchten - Hablas Español - is die homepage ans Herz zu legen

Kanarienvogel Open 2009

Bildmaterial is a schon "available"

Ranking list overall

Viel Spass damit

cu

thome

Fetter Start vom Franzmann

2009-11-26T20:04:00.007+01:00

Nit schlecht Herr Specht,
entweder is er a Könner, a Irrer od. fett wie a Radierer ..... :-)

Do konn ma gut den Handlingvorteil von an Turmdrochn erkennan!

Guat is gongan - nix is gschehn!

Howdie
thome

Fliagn am Haaaasen

2009-11-22T17:45:00.012+01:00

Chris Gott,

heite wors eeeeendlich wieder soweit. Mitn Ige, a a Völkermorkter und Flugschulkollege etc. etc., und da Teamchefin Verenciza samma auffi aufn Berg. Da da Ige im März sei Knia beleidigt hot wors fia ihn da erste Flug seit an Johr, deshalb samma zum Haasen-Stuch, do is die Startwiesn a bissl steiler....

Obn onkumman wor echt a hit. Dass des da November is mog ma gor nit glabn. Nur da Wind is voll von links kumman. Also hommma amol obgwortet. Des Tal wor jo anoch voll zua mitn Nöbi...

Leitet des Telefon, wors da Vice-President Himmelbauer Willi und frogt ob i heite a im Tal der Lavtis bin. Eh kloar und sogor schon am Bichl obn. Er hot noch aufn Flugsaurier "El Presidente" Grassler Erich gwortet und is donn aufn Rauchbauer oda noch höher.

Nochdem schon a bissl aufgmocht hot, homma unsere Geier aufgebaut. Da Ige noch stilecht mit Kniehänger und an Polaris. Hot oba a schwimmendes Querrohr. Also die Tuning-Version ;-)

...... a is der Hund fotoscheu????......

Donn is da Großvati Kriegl Gerald somt Family erschienen und wollt min Plastiksock a noch ins Tol.

Wies offn wor, is da Ige glei als erster ausse. I bin a.s.a.p. noch....

Nebel, Sunn, Wind, worm olles wor heit dabei. Noch 2 Monat wieder an Flug. Des befreit ungeheuerlich ;-) Freu mi schon auf den Frühling...

Währendn Obbaun san noch zwa Geier eingetrudelt. Steirer worns, da Heinz und da Seppi, von gonz obn gstartet... Perfekter Tog konn i do nur sogn

bis(s) bold

da schworze Ritter

Hochobir

2009-11-06T20:19:00.006+01:00

Griass Eich,

nochdem die Hittn schen longsom fertig werd ;-) homma uns letztes Wochenende den Hochobir ongschaut. Leida nit mitn Drochen sondan zFuass... Wor oba a schen. Der Blick auf die Steiner Alpen is nit letz.
Nächstes Joahr werd der von da Luft aus ongschaut. Startberg => Rodschberg eh kloar.

Oba bis es soweit is muass amol da Winta kumman.

cu (vielleicht schon bei da Lovntoler Weihnachtsfeier am 5.12.2009 ;-))
thome

Jokke & Co.

2009-09-05T19:23:00.003+02:00

Hawidere,

also wer schnöll fliagn will und kann Motor hot, der soll umsteigen von Drochnfliagen auf.....

...der hot am Start wahrscheinlich a an Onruaf von da Chefin kriagt, so schnöll wie der ins Tol obehazt.

Ha det!

Thome

Der arme Litespeed!!

2009-08-15T10:59:00.004+02:00

Gruss ditsch,

ob der wohl den Wetterbericht studiert hot?? Man beachte die Richtung des Windsacks kurz vor und während dem "Aufsetzen".....

ciao thome

Oops!.. I did it again

2009-07-12T19:23:00.010+02:00

Sers alle mitanond,

letzten Somstag, sprich Independence Day, wor wieder die Rosentaler Meisterschaft. Vuriges Johr hob i jo bekanntlich des Rennen gmacht.

Heuer wor die Veranstaltung mei erster Flugtag seit dem Jahresonfliagn am 4. April 09. Also exakt 3 Monat her der letzte Flug. Da des Wetter heia a Sch... wor, san die anderen oba a nit vül daflogn.

In da Fruah (um 11e :-) hots nit amol so guat ausgschaut oba um holba ans wors donn gonz gor. A Front über Mittelkärnten und a Riesenguss über der Gerlitzen sowie Donner und Blitz everywhere hom on a Starten nit denken lossn. Donn hots noch a zwa mol gregnet oba donn is eh gongan. Zumindest für de, de es obdawortet hom :-))
Da Viki hot sogor a fesches Video im Flug gmocht.... Wolken und Vorbeiflug und Gegend und und und ... ob schauts sölba

Wor echt a klasse Gschicht der Flug und des bei dem Wetter.... Die Fakten: 1 Stund, 1800m, Halo, Wolkenflug.

Ausgongan is fia mi recht erfreulich ;-)

1. da Kassier (i)
2. da Präsi (Viki Poll)
3. da Präsi-Stv. (Max D.)
...
...

Danach a Weltklasse Siegerehrung (mit Sektdusche), a guate Grillerei, ob an bestimmten Zeitpunkt FREIBIER, olympisches Feuer etc. etc. etc.

Do konn i nur empfehlen: "Schauts nächstes Johr am ersten Weekend im Juli vurbei!!!!"

Guat is, bis bald

da Kassier

World Championships in Laragne

2009-06-27T08:32:00.004+02:00

Hello, Gruezi, Ciao, Servus,

wie ihr anhand der Begrüßung erkennen könnts, handelt es sich um wos multi-nationales. Konn sich daher nur um a FAI-geratetes 2er Wettbewerberl hondln.
Jo Jo, die Wöltmastaschoft in Fronkreich, Fronkreich.

In da ersten Wochen sans von 5 Tog 2 gflogen. Ausreden worn wieder einmal Mistral (ha, wo doch jeder waß, dass des a Surfbrett is ;-) und da Klassiker "Gewitter"!!

Ausschaun tuats guat, Monsieur Ruhmer is dawal auf Platz 1 und des Team is auf Rang 2. Hoffentlich bringan sie's ham.

Jonny Durand beim Start

A poar nützliche Links für den Wissensdurst

Ösi-Liga Site
Results powered by Franzmänner
Jonny B. good
Jeff O.
die Deitschn
die Italiena

6. Lovntoler Flugfex-Meeting

2009-06-12T12:04:00.003+02:00

Chris Gott,

wie i ghört hob, sans gestern gstartet mussten aber dem Wettergott Tribut zollen. Abbruch des Tasks nach 30 od. 45 min... schade... heuer solls glaub ich einfach nicht sein.

Bilder san a schon do.

Weitere Infos unter www.lgfc.org

lg thome

Mörder Video

2009-05-25T20:00:00.008+02:00

Griass Eich,

da Erfinder vom Dragonfly, Bob Bailey, hot a Mörder Video in Quest gedraht. Jonny B. Good und andere Füchse loopen, spinnen (nit spinnan sondern Trudeln is gmant ;-)) etc.

Des is des beste Drochen-Video EVER!!
Viel Spass damit, aber Achtung: "Suchtgefahr"!

Bis bold

da thome

P.S.: Kummt eich des Liad bekonnt vur?? Wenn ja donn worts wohl bei an Live-Spiel bei der Fuassboll EM 2008. Übrigens im Video vom Shaggy is a da Kärnten-Bezug äußerst klar ersichtlich... *gg* i sog nur Pörtschach

nix fliagn - nur surfen

2009-05-24T10:15:00.005+02:00

Hi Folks,

nachdem i nix zum fliagn kumm (nur zum Ziagln und Ausschalen) hob i mir gedocht, wieder mal was aus dem worldwideweb. Is eh schon ölter.....

Ob des auf da Koralm oda am Lippekogel a funzt?? ;-)

greets
thome

P.S.: Wie es ausschaut haut des heuer mit dem Wetter bei der Wettbewerbsfliegerei nit so hin.... Hoffentlich ham die Jungs in Gnadenwald und auf da Koralm (im Juni) mehr Glück

Infos dada:
Ludesch 2009
Schöckl XC 2009

Absenz des schwarzen Geier

2009-04-30T10:34:00.003+02:00

Griass Eich,

für alle die sich fragen warum der schwarze Moyes nimma aufsteigt bzw. was abdrückt ist die Lösung folgende:

Hausbau im schönen Kärntnerland :-))

Also bis 2010 ;-)

thome

Anfliagn aufn Radisce

2009-04-04T20:38:00.008+02:00

Griass eich,

heite sammas, die Drochnfliager Klognfurt, am Radsberg vlg. Rodschberg ongongan. Viele worns nit, so unter dem Motto klein aber fein.

Da Horsti Kittner is, weise wie er nunmal ist, glei als erster ausse und i 5 min. danoch. A fette Obschottung wor im anmarsch. Da Horsti hot noch die Basis dakrotzt und bei mir wors bei ca. 1050m aus. Die anderen (Präsi, Frieda, Franz und Max) hobn noch gwortet. Die Teamchefin hot sichs dawal mit da echten Präsidentin beim Mickl-Otti im Pavillon guatgehn lossn....
Aufgmocht hots niamma und noch 40 min. wor der Thermikschalter endgültig auf "OFF".

Nojo hob i ma gedocht, besser als nix.

Da Gordon von die Wolfsberger is trotz Obschottung mitn Kollmann Walter undn Tiefenbacher Wolfi aufn Haas gfohrn. De Kerle hom Glick ghobt und Pech is a kans dazuakumman; 2h bis 2h45min. Da Gordon hot mit sein AEROS Combat (oda hasst des Aeros Klumpat?? ;-)) an auf JoJo-Action gmocht und an 76km Flug ausgezuzlt. So a Hund. Da Walter guat gflogn und von gonz untn noch amol olles dakurbelt. Da Olt-Tiefi is in Maria Rojach obgsessn.

Warum i des olles waaas? Wal i mit meiner THRUXTON mittendrin stott nur dabei wor ;-)
Dabei is a gar köstlich Radler getrunken worden (powerd by Walter) und vieeeeel diskutiert obendrein, eh kloar Karli, tat da Mundi sogn.

Guat, bis denn

Suchanek

P.S.: a nette Gschicht von unsaram Lijak-Flieger-Strafzahl-Trip gibts unter crazyskyaustria.blogpsot.com

Immer wieder sonntags

2009-03-07T10:02:00.003+01:00

Howdie,

letztes Weekend homma den Reigen eröffnet. Muass schon sogn, dass zurzeit auch 15 bis 20 Min. satisfaction at all bringen können.

Unser Skyvalley-Paparazzo Danny R. hot a a poar Fotos gschossn.

Der fliegende Fotograf himself

Da der Herr Ambitionen hat dies in Zukunft laufend zu tun wird er ab sofort in die Linksommlung aufgnomman.

Morgen is wieder soweit, do werd wieder wos fia die Figur geton u. am Himmel obageturnt.

Regards

suchanek

Halleyscher Komet

2009-02-22T11:35:00.019+01:00

Seas do draussn,

nochdem des Oasch-Wetter nix zualosst ausser vorm PC sitzen und umatumschaun wos auf der südlichen Seiten vom Äquator passiert, hob i mir gedocht ihr sollts a wos von meiner "völligen Vernetztheit" hobn... ;-)

I wass nit, ob ihr am 31.12.2008 a den Halleyschen Kometn gsegen hobts? Für olle de zvül an der Silvester-Bowle gnucklt hobn bzw. mit Bussi-Bussi enorm beschäftigt worn anbei der Beweis

Keine Ahnung wer der Kometn-Reiter is, deshalb san Rückfragen hoffnungslos :-)

I find des wor a recht a liabe Gschicht

beste Grüße
da Kaiserpinguin

Josephus

2009-01-25T11:24:00.006+01:00

Ahoi Drochenreiter,

gestern hob i im Dichand (Faymann) Tagblatt etwos von an "high five" auf da Streif glesen. Naturalmente bin i glei fündig gwurdn im i-net.....

Seppi Salvenmoser in "AAAAACTION" mitn Hans Knauss...

auf redbulletin.com gibts a a leinwandes Video

Pfiats eich

thome

P.S.: am kommenden Weekend (31.1.09) gibts an Speedrun auf da Goding!!! Man sieht sich

Goal approach

2009-01-18T11:28:00.002+01:00

endlich wieder amol was Gscheides zum Anschaun

Jonny Durand im Zielanflug

Bis denne

thome

P.S.: Um allen Spekulationen vorzugreifen.... 110 km/h, 1 Meter über der Goal-Linie

Wolfi Siess alias Jonny Durand Jnr.

2008-11-30T10:30:00.003+01:00

...die tiroler Antwort auf den australischen Punktlander himself...

Bam Oida! ;-) Sei Homepage (seit an Jahr im Aufbau *fg*) gibts do www.wolfifly.com

grias enk

thome

Kärntner Mastaschoft fia Drochnreiter?????

2008-11-27T18:48:00.004+01:00

Also do schau her, während dem Cruisen im Internet (ab und an auch auf Gleitschirmfliegerseiten - bitte verzeiht), bin i auf wos Interessantes gstossn.

Werd natürlich glei fett im Kalender eingetrogn.

cu

thome

Alternative

2008-11-23T14:38:00.004+01:00

Fliagn geht nit, also Videos schaun....

Man beachte die erstaunliche Fusstechnik kurz vor Einschlag.... wies uns da Klaus in Terrorie glernt hot... oba wor des nit beim Retterschmeissen??

gruss
thome

Sponnend,

2008-10-30T20:34:00.002+01:00

wie die Känguruhs do in "down under" starten

Happy starts

thome

Trödeln

2008-10-20T22:27:00.004+02:00

also am Wochenende wor so schen des Wetter, dass i mir gedocht hob i probiers amol mitn Trudeln... des is aussakumman...

Hmmmm, wos sogt do die Chefin?????
De is gonz schen auf zack, sie was sogor wos trudeln (spin) auf englisch hast ;-))

happy landings
thome

p.s.: am weekend gibts Maroni rösten und Sturm tanken in Wolfsberg

Da olte "Igalus"

2008-10-13T18:29:00.004+02:00

Griass eich Burschen,

heite muass i euch an vorstellen. Die Rede is vom oltn "Icarus" sprich Igalus. Der hot mit mir zugleich im 2003er gschult, is oba noch die ersten Flüge zu nah an die Sonne und hot den Huat draufghaut.
Vur zwa Wochn hot er sich wieder gmeldet u. gmant, er mecht wieder zum Fliagn onfongan. Zerst is er zum Klaus auf an Schnuppatog u. donn glei auf die Woldrost 2 Starts mochn... hot onscheinend olles hinghaut. ;-)

Am Sonntag wors soweit, die Unterkärntner Konnektschon sprich Leime, Ige, Teamchefin und I san gen Osten aufgebrochn u. wollten die Korze befliegen. Am Londinga homma a glei die Steirer (Marco mit Frau und Birni), den Präsi u. den Himmelbauer Willi getroffn. Da Inversion samma aufn "neuen" Startplatz gonz auffe. Tog wor supa nur der Wind wollt nit so recht. Is die gonze Zeit von da Seitn oba irgendwonn geht immawos, also olle an den Start. I erster ausse, kumm i drauf, dass mei Vario wieder leeer is. Hob i holt mitn Popometer aufdadraht. Fotos gibts in der Galerie

Ajo, zur Hulding des "Igalus" sollt auch ihr euch am Start mit seinem Polaren ergötzen können.....

Irgendwie erinnert er mi an den Rantanplan..... :-)

so long lonesome cowboys

euer

Lucky Luke

Aufgepasst Gordon.....

2008-10-07T19:26:00.005+02:00

.... so wie die letzte Londung im Video geh es I heuer bei die Clubmastaschoftn on....

bis denne

da Rosentaler Masta ;-)

kürzlich gfundn....

2008-09-21T11:03:00.001+02:00

aufgenommen am Mareiner Flugfest 2007, oba erst jetzan erspäht

Mareiner Flugtage und Soaren

2008-09-09T20:51:00.009+02:00

Griass euch HG-Kommune,

am Weekend wors wieder soweit. Südföhn u. Lentis wohin das Auge reicht, auf da Gerlitzen a 40er Wind no wenn des nix fia die Koralm is.... gesagt getan, den Mentor angecalled, approval von da Frau eingholt u. schon is losgongan. Treffpunkt um 13 hundert in Altendorf.

Guat in Wulfsberg a festa Blose, homma uns gedocht gemma zerst a bissl aufs Mareiner Flugfest. Worn jo wieder die Flugtage u. die Extra 300 L (two-seater!!) vom slowenischen Meister Peter war auch zu gegen.

Fian Gordon wor glei kloar do fliag ma mit. Mi hot die Teamchefin ermutigt, bin i holt a a Ticket kaffn gongan. 200 Eier is a nit ohne.

Noch sein Display wor ma in etwa gsponnt wie a rot-getupfter Regenschirm. Wenn der Peter Podlunsek mit a 300 im Rückenflug 5m über die Landepistn pfeift u. donn in den Himmel sticht hauts da original den "Vogel beim Beitl ausse"......

Guat da Gordini wor als erster dron...

noch ca. 20 min is er aussa. +7g/-2g is ka Schmutz. Also im Großen und Ganzen is der Hund mit ihm alles gflogen wos do so geht mit der Extra. Da Mentor hot gmant jeden Cent wor des wert. I soll mi auf was gfosst mochn!!

So schauts aus wenn a longa Lulatsch a a bissl Redbull-Airrace Feeling verspüren mechat.

Also um es kurz auszudrücken: da Gordon hot Recht ghobt. Was ma da erlebt is mit Wortn kaum zu beschreiben. Da der motorisierte Geier über 350 Cavalli verfügt, schiabt des in jeder Lage wirklich mörder on. Da Schädel wackelt wie a verstaubter Wackeldackel auf der Hutablage eines Pensionärs.
Ohne Presstechnik a la Hannes Arch knippsts da bold die Äuglein zua....

Perfektes Flugerlebnis mit an High-Tech Gerät, holtet übrigens +/- 10G aus, des a a Lawine kostet.

Muass a sogn, da Mogn hot nit viel gmeldet aussa danach an Hunga. Wie ma glei danoch a Brater u. a Hülsn obegjogt hom hot a da Pilot nit schlecht gschaut.

Mitn Drochnfliagn is donn nix mehr wurdn wal wor schon zu spät. Egal, gemma holt murgn.

Am Sunnte wieder desselbe, den Gordon obgholt u. donn oba glei auffe auf die Waldrast. A murds Blose, frei nach dem Motto: "Soaring isn't Boring". Gordon sei neier weissrussischer Kitzbühel-Schwarz-Import steht voll gsponnt do......

.... oh Maria, da Gordon, hots der mitn Kreuz?

Noch ana holbn Stund wor da Wind/Föhn/Blase weg. Dafür die Sunn do. Nojo kurbel ma holt, homma jo sunst nix zum tuan. Richtig durchgongan is nixi, nach ana Stund also abgewing-overt u. einiglandt....

Während der hochgeschätzten Abbauzeremonie, welche stets von der Teamchefin mit den heiligen Sakramenten: "Tua weiter, geht des nit schneller"! dokumentiert wird is noch ana mitn Drochn obakumman...der mit Blei beladene Blade-Pilot Tiefi.

Böse Zungen behaupten, dass da Blade vom Papa doch noch bessa als sei griana RS geht.
Werd schon wos wohres dron sein, wal fliagt er jo seit zwa Monat nix ondas :-))) Oda wor do noch irgendwas mit der unendlichen Geschichte des "Holms"???

Guat is, ajo am 20. September sieht man(n) sich eh wieder, do werd jo a fetter Pokal ausgflogen auf da Korze...

Bis denne

Thome

....moderate turbulence....

2008-08-09T09:52:00.002+02:00

Hmmm, also des is amol a sponnender Start

Ob do a "Luftmadrotzn mit Schniadl" a dastartet war??

so long

thome

Int. Rosentaler Meisterschaft 2008

2008-07-23T20:06:00.013+02:00

Howdie,

wie im letzten Post ongekündigt, und nach mehrmaliger Nachfrage (ganze 1 mal) schreib i a poar Zeilen zu de Clubmastaschoftn der Drachenflieger Klagenfurt. Fias Hintergrundwissen, do bin i Kassier.

Am 5. Juli wors wieder soweit. Wie jedes Johr, am ersten Juliwochenende die Clubmastaschoftn am schönen Singerberg. Rompnstart und des gonze astrein noch Norden ausgrichtet. Den Termin konn i nur jeden ons Herz legen, wal bis dato homma an dem Weekend meistens Nord ghobt.

Wie imma wor a rege Teilnahme festzustellen. Von die Wolfsberger hot sich kana auffa getraut bis aufn Gordon mit sein neien, longan Aeros Combat u. dem Leime. San oba a beide Klogenfurter Drochenreiter. Weiters aus Vienna (heit was amol Klagenfurt calling) da Bokalic Alex. Der Rest wor ortsansässig.

Am Onfong hom die Cracks sich geziert u. san erst um a holba 11e vollzählig eingetroffn. 18 Competitors an der Zahl. Net schlecht Herr Specht. Noch an kurzen Briefing, danke dem Schriftführer (Albrecht) u. dem Präsi (Viktor) fia die Erklärung der Aufgob (1h fliagn u. Punktlondn), gings donn mitn Hafner Lostna u. dem Vereinsbus auffe.

Obn am Start, siehe da, wieder leichter Nord... oba da Tog hot gor nit amol so guat ausgschaut. Egal, bau ma amol auf die Maukn. Obe buckn zu die Segellottn is nit so guat gongan, gestern obnd wohl aniga Schnapslan schlecht gwesen. Den Mothe hot ma seine Biere vom Vorobnd nit ongmerkt. Der Bursche is trainiert, is sogs eich ;-)

Zerst noch a Gruppenfoto, i glab ohne Alex der wor schon einghängt, donn wor des Gate, oda wie ma in Kärnten sogn tat "die Gota" (englisch u. Kärntner-Dialekt hot aniges gemeinsam follt ma grod auf), offn.

Da Präsi wieder amol lauthals: "Stellts eire Drochen auf die Seiten, dass die Leit ausse kennan!!!" Trogt sei Atos Gurkn vua die Rompn u. startet, no wos glabts, i vermut als letzter.... ;-) Da Brecher Otto is glei amol mit ohne Beinschliessen ausse... wahrscheinlich die Aufregung wegen dem internationalen Bewerb :-)

Guat, wie es ausgschaut hot geht heite echt nixi. Aber man soll den Tag nit vurn Obnd loben... links is doch wos gongan u. so hot ma holt umma gekrotz am Singerhigl. I auffe auf 1700m donn wor nix mehr... donn unta a Wolkn eine, zum AEROS-Gordon, wieder nix gongan. Auf 1200m donn a horizontaler Bort u. mit dem donn auffe auf 1900m. Da Präsi wollt a eina, oba do hot er heite Pech ghobt.... i wor im Angriffsmodus unterwegs ;-)). Unta uns da Alex a noch in den Bart des Propheten eine u. is a noch auffe. Vom Ferlacher Horn is da Kittner Horsti mit sein VQ noch zu uns gstossn.

Auf 2200m homma uns donn getrennt. Da Gordon is zum Wörthersee, Alex waas i nit, Horsti in die Karawankn und i zum Ferlacher Horn. Mit 1850m onkumman, hob i donn nit long Thermik gsuacht und bin wieder zruck zum Singerling. Die Stund wor voll u. a 2007er Wiederholung (short landing) wor nit mei Ziel. Vielmehr a guate Punktinger. Da Gordn hot a bissl ge-wing-overt und is im Kreis oba nit am Punkt glondet, da Viktor is mit da Frieda zgleich eine, da Alex über des Ziel hinaus geschossen u. der Atos Recke Horsti wor noch in da Luft.

Beim Onflug hob i ma gedocht, mochst holt a bissl a Linkslondevoltn donn werd schon passn. Und so wors. Endonflug im Werner Galaun-Stil (8ern bis da Fliegl straft) u. donn nur noch ausgleitn. Gstondn bin i 2m vor dem Punkt. Die netten Damen von der Vermessung meinten, dass des am nächsten war. Oba da Horsti wor noch in da Luft. Also schnell a Bier in di Venan gschossn, mit die ondaran gratscht, Kote eingwurfn u. obgwortet. Da Horsti hot donn die Gleitleistung des ATOS VQ a bissl überschetzt und wor zweit weg. Nojo, hot sich da Kassier gedocht, hät ma des a erledigt :-))))

Ranking schaut so aus:

1. Kassier
2. Aeros Gordon
3. Präsi
4. Atos Horsti
.
.
.
.
.
17. UP-Speed Leime
18. Brecher Otto

thomas fraissl
Bei der Preisverleihung (wie da Willswing Wolfi sogn tat), sprich Siegerehrung, hot da Präsi ollas geben.

Da Leime hot a wos gwunnan, die Schraubn. De kriagt da Letzt-Platzierte. Wal da Brecher Otto schon weg wor, hot miassn da Mothe herholtn. No jo wos solls, wenigstns wos fias Nochtkastl.

Alles in allem ein absolutes "must" fia die Drachenflieger Komune. Sowas gibts nit olle Tog zum Segn. Apropos segn, de Figurn u. Pokale de da Travar Franz mocht san allererste Sahne und die Aussicht über Kärnten a. Schon deswegen miassts kumman. Des olympische Feia ongezundn, da Dieter hot die Kote, Cici und Wirschtl obagegrillt, 2 Fassl offanes von unsere Nierndalan filtriert,gflogn a nit schleicht => Perfekter Tog konn i do nur sogn.

Vielleicht nächstes Jahr, wenns wieder um den gschwastn Riesengeier geht....

da Kassier

P.s.: Viktor, des Vario muasst schon lodn, sunstan mocht des kan mux, frogn Klaus..;-)

Allrad Drachenstart

2008-07-13T22:24:00.003+02:00

Soda,

wiedermal wos neies fia die lechzende Drochnflieger-Gemeinde. Neulich auf Youtube gsegn, geprüft und fia würdig erachtet darauf hinzuweisen.

Wenn amol an da Soft im Storchenbein ausgeht, die Trapezröhrdl a wirklich wieder glitschig worn oda ma beim Start an Maulwurf fongan mecht, dann liebe Fliegerfreunde, dann wärs an der Zeit diese Startpraktik an den Tag zu legen:

Bis bold

Euer
2WD-thome

P.S.: Frogt mi amol ana wie die Rosentaler Mastaschoft ausgongan is? ;-)

Vor WM in Laragne

2008-06-27T18:26:00.005+02:00

hi folks,

anbei links zu der Vor-WM im Franzmannland. Mit von da Partie is neben dem Tiefi, in Fachkreisen auch da Wolfsberger Nils (Holgerson) genannt, da Raimund, Elmar, Tschabi u. da Siess Wolfi.

Ergebnislisten

Bilder

absolutes muss (vids and pics)

Jeff O's blog

bis denne
thome

Raubkopie

2008-06-21T15:54:00.002+02:00

Wos miassn do meine nimmermüden Äuglein sehen?? Eine Raubkopie meines, bis dato einzigartigen, Kielrohrs vom Gerolf sölba..... tztztz

Raubkopie Beweis

No serwas, wie sogt ma do dazua??? Hölfts ma.... Opinionleader ;-)

Best Regards

thome

EM 2008

2008-06-10T20:30:00.002+02:00

fia olle die up-to-date sein wolln

News von da Embo Olm

do wern alle ritt ane news veröffentlicht. In da CHATBOX a "Intraday", wie ma im Bankjargon so sogt.

guat is.

pfiat eich

thome

Alpinger Open 2008

2008-06-08T11:13:00.005+02:00

Am verwichenen Wochenende wor die "Carinthian Crew" wieder bei den Alpen Open in Gnadenwald beim DCI (Drachenfliegerclub Innschbruck) zugegen.

Die Moyes Boys inkl. Teamchefin hom sich am Freitag Obnd min Tourwogn übern Felbertauern gsprengt u. san um ca. 21 Uhr 30 auf der Landewiesen eingetrudelt. Auf höhe Kitz hot sich a schon da Hons, von die Fieberbrunner (wor a schon bei dei Austrian Open dabei), gmöldet. Er is a bold aufn Weg hot er gmant, diesmal oba mit Betreuer. No serwas de geigen wieder auf de Tiroler.. ;-)

Schnell eingecheckt im Martinsstüberl homma schon den ersten Ausfall ghobt. Die Teamchefin is nit mit sondan glei volley in die Hapfn... tztz Mir mitn Tiefi san noch umme aufn Londinga, do hom die Daltons gspielt, auf an zwa Bier.

Die Siess-Family schon fest im Gschäft homma glei a bissl gequatscht. A bissl später is da Hans u. sei Betreuer a dazua gstossn. Da Sepp.

Donn in die Heia, nächsten Tag wollt ma jo fliagn.

Tag 1

Soda mit Himbeer, Briefing in da Fruah, da Waxi Siess wor vakühlt (i glab des Bier wor zkolt), hot da Peter Kapelari des Briefing gmocht. Danach noch da Meterolüge und donn ab auf die Seegruabn.....im Stehen. I glab de wolltn die Kärntner schon aufn weg zum Startplatz zermürben.

Die Rompn auf da Seegruabn wor nit zugänglich. Die Soccer-EM zeigt Ihre Spuren. A Fanzone homs davor gebaut.... Also ausweichen u. den Drochn üban Schnee auffetrogn u. aufbaun.

Da erste Task wor a Ritsch Ratsch da Nordketten entlang. 89 Kilo glab i. Zeitfensta wor glei a kurzes, Überentwicklungan drohten. Regen is donn gwurdn.

A murds Eine-Gedränge von die Russen u. Deitschn am Start wor wieder... fia wos do an Korridor gibt... Am Onfong wor a umma gekurble oba als da Hans, i u. da Tiefi starteten hots uns glei onständig auffegebeamt. I bin donn glei weiter u. just in time in den Zylinder eine u. unter die Top 5 zur ersten Wende. Donn oba wieder ums allzale ztiaf. Oba mitn Friesi u. Winglet-Trimmel wor i in guter Gesellschaft. Egal.
Donn weiter zur 2. Wende. Auf da Seegruabn hob i nit aufgedraht (wor zugleich mitn Hons do, der hots gmocht) bin i donn kurz vor Gnadenwold, wos wohl, natürlich aussenglondent. Aber siehe da, da Friesi u. noch 3 Konsortn a. *gg*

Nach Tag 1 wors Ranking so: Hans 10., Tiefi 28. u. i 30.

Am Obnd wor die Sky Blue Party. Do homma unsan erstn Wing Over getrunken. Fliagn is besser hahaha. Die Fetzenflieger-Slunkarin hot uns a noch besuacht.

Da Sepp hot uns donn noch in sein „Bumscontainer“ einglodn auf an Mostviertler Most u. an Ziabanan. Den hot da Hons ausglossn. I glab der hot noch wos vurghobt am nächsten Tog. Sepp nur fürs Protokoll, da Kärntner Most schmeckt um Hochhäuser bessa!!! Wer i amol a Floschn mitbringan. ;-)

Tag 2

Der hot nit amol so guat ausgschaut. Oba die Kärntner viel gscheider glei als erster eine in Bus Hahahahaha gsessn samma wie die Kaiser. Aufbau wieder obn, homma den Task eine geklopft ins Brett. Zwa Startzeitn. Task 120 km ins Oberland. Imst u. wieder zruck noch Gnadnwold. Die beste Meldung vom Tiefi: „Du Thomas, a liegt de Richtung nach Imst auf unsan Heimweg???“ Hahaha, da Hans u. I glocht wie die ansa. Da Tiefi als Verteidigung: „I waas überhaupt nit wo ma san!“ Perfekte Voraussetzungan fia an Cross Country Flug u. vor allem fia die Vor-WM in Laragne. Burschen schauts euch den Buabn noch on, gach kummt er nie wieder ham…… *gg*

Mir wieder ausse, is oba supppa weggongan mit an mittelprächtigen Bart. I wor auf 2700 u. wollt eigentlich die zweite Startzeit nehman, fliag i Tocka in den Zylinder schaltet des GPS um u. I hob mi niama ausgekonnt. Donn bin i teppat im Kreis umma gflogn u. wor wieder amol des Letzte. grrr i wer narrisch. Die Ausdrücke in der Luft san leida zensiert wurdn da nicht jugendfrei…..

Um zum Ende zu kumman, ins Ziel homms i glab eh olle gschofft. I oba vül zu longsom. Bei der letzten Talquerung hob i mir schon a Landewiesen in Seefeld ausgsuacht ghobt. Mi donn oba wieda so gärgat dass is doch noch dakurbelt hob. Auf 3200m hob i donn zum Endanflug (ohne Rechner) ongsetzt. An Aeros-Fritzn hob i noch vablosn u. siehe da den Tiefi noch überholt. Mei Vario hot a an klopfa, onscheinend wie da Pilot, und zagt ma Vmax. (Airspeed) 103 km/h on. Bei der Auswertung im XC.DHV wor donn die Vmax. (Groundspeed) 147 km/h. Dass i 43 km/h Rückenwind (dem Inn entlang müsste normal leichter Gegenwind sein) ghobt hätt hob i nit gspiat. So a Glump, i glab i montier mir a Röhr aufs Trapez *gggg*

Da Hans wor I glab 20 min. vur mir do, da Tiefi 5 min. hinter mir. Alles in Allem a Welt Wetta u. sicher die beste Veranstaltung bis dato. Hut ab DCI. An klanan Schönheitsfehler hatte der Event. Am Sonntag stand Dumm und Dümmer hinter dem Griller u. der Fritterei. Also bei de Oaschlöcha (zw. 15 u. 17 Jahre jung) wor i knopp dronn dass i denan ane Flosch. Infos dazu nur mündlich. Wor ma holt im Martinsstüberl wos essen. Pech ghobt Jungs vom DCI.

Auf dem Heimweg homma den Seppi Salvenmoser überholt, den Gordon ongruafn (jo Teamchefin des wor dei Idee) u. sein neien Aeros mitgnomman. Mit drei Drochen am Doch wieder üban Felbertauern ins Land eingfollen gings donn bei orkanartigen Regenschauern nach Völkermarkt. Zum Schluss noch a bissl Spritsorgn u. den Drochn einegrammt worma um a ans im Bett. Juhu murgn wieder Schepfn. Aber das ist eine andere Geschichte.

Ranking siehe hier

Fotos DCI hier

Fotos vom Hans hier

Passt. Des wors von da Front.

Ciao Amici

Thome

P.S.: Wo worn denn die Lovntola Gleitschirmkampfpiloten???? Infos schwer erwünscht…..

P.P.S.: An Alle bei der Vor-WM in Laragne: Den Tiefi bitte beim Raumausstatter Tiefenbocha in St. Stefan (Wolfsberg), Österreich obgeben.

Alpen Open 2008

2008-05-30T15:35:00.001+02:00

Bin in Gnadenwald!!

....Drochnfliagn....

Speeedschi Run

Swoopie dooo

Endanflugmaßarbeit

Um Gottes Willen...

Moyes Litespeed RX

Gesagt - getan

X-mas

Mit dem Wind II

Int. Rosentaler Meisterschaft 2011

Platz sparen

Lippekogel

Soaring - boring? No it isn't!

Overshoot

Alpen Open 2011 Video

Pics and News

Over and Out

Freitag, Samstag - Fliegen u. Fliegerfest

Alpen Open 2011 - ersta Flug

Alpen Open 2011

Trofeo Montegrappa 2011 - Bassano

Whats that, pussicat??

Göödling

Wochenend und Sonnenschein....

Weekend und Drochnfliagn

Season Opener 2011

Neue Errungenschaft => Super-Sonic

Jaga am Eck

Sonniger Süden

Nova Gorica

AEROS Winterrace 2011

Seegruabn

Fliagn

Nimis - Friuli

Start ins 2011er

Florida 2010

OweGASN

Und er fliegt doch

Mein Gott

Untersegel

Fülm

Hommage an die Senioren

EM u. WM und a Flieger

Die spanische Fliege

Gerlitzen und Lippekogel

Staats 2010

Aluminiumlegierungen

Präsi

Oldtimer

Swooping Wolfi

OÖ Landesmastaschoft

Bassano 2010

Jahresanfliagn aufn Radsberg

Osterhasi hat zugeschlagen

Winterschlussverkauf

Bora Bora

Slovenia

Haasen

Juhuuuu

Vorfreude

RUHM AIR

Alternative

Flugpost vom Klaus

Forbes 2010

Nostalgie

Österr. Staats 2010

Weihnachtsfeier-Behauptungen *g*

XIII Open de Canarias de Ala Delta

Fetter Start vom Franzmann

Fliagn am Haaaasen

Hochobir

Jokke & Co.

Der arme Litespeed!!

Oops!.. I did it again

World Championships in Laragne

6. Lovntoler Flugfex-Meeting

Mörder Video

nix fliagn - nur surfen

Absenz des schwarzen Geier

Anfliagn aufn Radisce

Weihnachtsfeier-Behauptungen g