Final Task 3

Over and out!! Des Aeros Winterrace is beendet... wie es do zuagongan is will i eich nit vorenthalten.

In der Fruah glei amol des Facebook gecheckt - Aufgrund starken Nordwind am Kovk (13m/s) wie am Donnerstag Treffpunkt am Londeplotz Lijak um 11e.... donn werd entschieden obs an Task gibt oda glei die Siegerehrung.

Am Parkplatz bei der Pizzeria Anja homma uns, Conny is von München mitn Flieger noch Trieste gflogen um mi zu besuchen und zu unterstützen, mitn Halter Tom getroffn. Homma glei üban gestrign Tog gredet. Er wor Top 5 und am letzten WP den er gschofft hot, hot ers niamma dakurbelt mitn Zeischka Jochen. Die Italiener san wegkumman. Wos i ghobt hob hot er gfrogt, donn hob i ihm mei Problem gschildert und bin draufkumman was der Fehler wor gestern. Da Fraissl hot die Competition Route noch Task 1 nit gecancelt, donn den 2. Task reingeklopft - sprich alle WP glöscht und die neuen eingetragen.... hot olles perfekt ongezagt nur is die alte Route noch aktiv!! Somit is da Fraissl Bua am 2. Tog Task 1 gflogen....!!!!! Teppat.... normalerweise dürfte eine aktive Route nit veränderbar sein. Lesson learned des gibts ka zweits mol..... somit die erste Wende nicht und scoringtechnisch minimum Distance und Letzter mit den anderen Letzten... 7km Strecke bei 2000m über Grund. Des is normalerweise mit an olten Polaris a möglich :-)

Anyway, den dritten Tog is da Tom hamgfohrn der hot kan Bock mehr ghobt. Conny und i san zum Treffpunkt und prompt ka Wind im Tal, daher auffi aufn Berg und Task 3 fliagn.  Schnell aufgebaut und worten bis der Task steht.

Guata Aufbauplotz :-)

Diesmal warens ca. 60 km mit 2 Talquerungen. Aufgrund des Nordwinds am Kovk ging der Task nur im Westen der Kette. A guat. Die Para-Fritzen hots schon auffegebeamt. Also hob i mir gedocht der frühe Vogel fängt den Wurm und early-bird Bonus usw. und bin glei nach dem Getröte ausse....

Da Rennleiter werd noch eingeteilt zum Vario einscholtn *gg*

1 Stund Zeit sich a gemütliches Platzerl fian Abflug auf WP 1 zu suchen. Gongan is glei sauguat.... links ausse, a bissl gekreist und schon über da Ridge. Ob 800m gings donn konstant mit 4m/s auffe. Zwischenzeitig a mit 6m/s integriertem Steigen. Do locht des Fliegerherz.... Auf 1950m onkumman, bissl unter der Basis, bin i donn Richtung Startzylinder. Wor eh exit, also eine in den Zylinder. Do hob i donn gwortet. Auf 2000m und bei 0 Grad Celsius. Eh nur a 45 min! Off des wor a Költen.... i hob schon gedocht i valier die Finger wie da Messner Reini seine Zahen ;-) Kurz vor Racestart wor donn olles auf an Haufen, coole Eindrücke, oba die GoPro wor leer... nächstes mal vllt.  Auf zur Wende 1 glei volley übers valley, a bissl gedraht mitn Führungspulk und weiter. An der ersten Wende is donn mit 3m/s plus auffegongan... bei 1600m donn diretissima zu WP 2 (der Ridge im Süden entlang) und zu WP 3. Mit 550m a bissl gedraht, da Elio Cataldi ca. 50m über mir, und weiter an der Lijak Ridge..... do hätt i nochamal a 1300m mochn solln, bin oba weiter. Hob donn untam Rampenstartplatz ummagsuacht, oba mir da RedBull Matjaz, i auf 750m. Da Raimund und da Elio is a noch kumman. I bin noch a bissl weiter Richtung WP 4, wor oba windzarissen und bin wieder zruck. Da Elio hot 200m gmocht und wor weg (donn a noch im Goal) und i hob ummagegrundelt und dank Abschattung is a nix mehr gongan. WP 4 hob i noch daschofft und a bissl später bin i untngstondn.

Gleicher Londeplatz wie am ersten Tog! So schließt sich da Kreis....

Da Friedl wor wieder im Goal, 11. Platz, da Raimund und da Jürgen hom die 5. Wende a niamma gschofft.... i wor noch der Gschicht am 3. Tog 22.

Friedl der Fuchs is 7. gwurden overall, Don Raimondo 15., Jürgen 24. und da CompeoMeister Fraissl 35. und Halter Tom miassts selber schaun.


All in all am Lijak 4x guat gflogen, 4 saubere Starts, 4 schene Flüge mit kumuliert 7,5h Flugzeit und 4 saubere Landungen mit an sauguaten Litespeed RX 3.5 vom el tiefone. An dieser Stelle nocheinmal  a gonz großes Donkschen my friend fürs Leihen!!!! Ohne dem wär diese wunderbare und lustige Zeit nit möglich gwesen.

Die CICI worn WÖLTKLASSE!!!

Ongeblich kummt mei neie 3.5er Hittn nächstes Weekend. Do bin i schon gsponnt. Hofftl. geht die schwarze a so guat wie die grüne Mamba ;-)

Stay tuned und ajo nächster Bewerb is die Tiroler am ersten Mai Wochenende im Zillertal. Ob des a Hochzeitsmarsch werd oda eher a -blues seg ma spätestens am 3. Mai :-)

greez
thome

Rest Day und Task 2

Servus,

am Donnerstog wor wiederamol a Burja zu Besuch. Nordost Wind mit ca. 13m/s wor zvül für an taskable Tog. Flyable wors a niamma wal am Lijak LP a da Nord durchgegriffen hot. Also Alternative Triest oda Piran. Die Mehrheit hot sich für Piran entschieden. Don Raimondo hot uns eingepockt in sein Benz und ab gings.

Schen is do am Meer. Leider hom de Burschen kan Hunger ghobt und somit gabs ka Fischplottn fian Kärntner Buabn..... :-( dafür oba a lot of Unsinnigkeiten und Spass :-)

Task 2 

Sodala, Wettergott wor gestern mehr als gnädig. Schen blau da Himmel fost kane Wolken und wenig Nordwind. A bissl schon oba des is jo nit unbedingt schlecht fia an feinan Bart.

Am Startplatz Lijak angekommen erstmal wie gewohnt den Drachen aufgebaut und dann mit Schrecken festgestellt, dass sich die VG-Schnur im Trapezrohr verheddert hot. Mein Gott... Da Halter Tom hot des gmocht wos er am besten konn, den drochen ge"halten", also a richtiger Halter und i hob des entwirrt.... fongt jo schon guat on.... wie i fertig wor gabs a schon des Briefing fia die heutige Aufgabe: 77km, Exit Startzylinder und donn hin und her auf der Lijak-Seiten und a ins Flache ausse usw. Goal am Lijaker LP. Die Paras worn im Tal schon in der Stratosphäre also nix wie starten... es is donn a glei amol mit 3m/s auffegongan glei nochn Start. Bei 1800m bin i donn ins Tal zum Startzylinder und bin in ruhigster Thermik auf 2150m. Not that bad bei einer Talhöhe von 50m!

Um 1400 war Rennbeginn und i bin mit 1650m obgflogen. Der Pulk wor glab i auf 2000m..... anyway  mit moderatem Gas zur ersten Wende Richtung Nova Gorica, donn die 2. Wende Richtung Ajdovscina... a 4m/s Gerät mitgnomman und ka anderer zu sehen.... als i die Wende hatte wor mei Auffassung, dass i jetzt des Tal queren muass.... oba mei Compeo hot gezagt i soll noch Nova Gorica. Donn san mir die anderen entgegen gekommen... auf gleicher Höhe! im Vollgas modus und i bin ihnen entgegenkumman... do wor was faul im Staate Dänemark... hot sich mei teppates Compeo aufghängt bzw. WP angezagt, de i gor nit in der CompRoute drin ghobt hob.... des wors donn mit Competition... den an WP hob i gmocht zagts GPS an, i soll ins Headquarter Anja (22km) fliagn. Des war des Goal vom ersten Tag.... Die Ausdrücke die i do in der Luft in den Mund gnomman habe sind nicht leserfreundlich. Ich sehe von einer Publizierung daher ab.... :-(((((

I hob donn den Flug extended Richtung Vipava und bin donn neben dem HQ butterweich eineglondet bei Nordwind mit an murds Schleim. F...k!!!!!

Da Halter Tom (max. Alt 2500m!!!) hot sich im Spitzenpulk eingegrobn und is aussen glondet, die restlichen Austrianer alle im Goal. Congrats guys. Guat gmocht :-)

Results san noch nit veröffentlicht. Schau ma amol wos da heutige Tag bringt. Oba ans is sicher, spannend werds auf alle Fälle und wie beim Lotto is es a noch:  Olles is möglich ;-)

greez von der Front
thome


P.S.: Dem Ergebnis nach, hot do gor nix hinghaut mit mein GPS........ perfetto :-(

Aeros Winterrace 2015

Griass eich Burschn und Mädels,

nach erfolgreicher Anreise am Dienstog, übern Seebergsottl und Laibach, war glei amol Treffpunkt Lijak Londeplatz ausgmocht mit Don Raimondo (Kaiser) und min Peschl Friedl. Drochen aufglodn, i fliag diesmal mit einer lavanttaler Leihabe in giftgrün!, und auffe aufn Berg. Nojo Berg is a bissl übertrieben, bei 550m red ma jo eigentlich noch nit von an Berg. Probeflügerl mochn. A bissl links ziagt er hot er gmant da el tiefone und siehe da ziagt er echt. Nach 1h15min. bei warmen Konditionen und an 35km Streckerl bin i landen gongan. Aufgwärmt wor i und a "Donut" wor noch zum Tauschen. Und das Verlangen noch an Lasko Pivo wor a schon gross :-)

Am Obnd bin i mitn Halter Tom die Herberge checken gongan (15,-Eur/Nacht is tooop) und donn subito zum Einschreiben. A Union Pivo später samma essen gongan und donn ab in die Kiste. Erholung erfährt der Mensch im Schlaf ;-)

Task 1

In da Fruah des Wetter gor nit amol so guat. 8/8 Bewölkung und kolt. Bei Cappuccino und Crossaint a bissl mitn Tom gebledlt samma donn zum HQ und hom die Drochn aufglegt. Da Pasker Jürgen is a do. Fein, den Wahl-Klogenfurter aus OÖ hob i glab i schon a Johr niamma gsegn.

Am Startplatz onkumman hot schon des holbe Starterfeld aufgebaut. Homma jo kan Stress.

Nach einem Segelkunstflug Display, jaja da werden weder Kosten noch Mühen gescheut, war der Task a schon gesetzt. Da es obschottn sollt und um 7e a kolte, na nit hülsen sondan a front, kumman sollt eher kurz. Ritsch Ratsch am Lijak, Landeplatz beim HQ nach 48km.

Anfänglich noch gezögert und eher zähe Bedingungan bin i donn so im ersten Viertel gstartet. Bin a bissl ummagflattert oba konnte donn über der Ridge a 3m Bartili ausgrabn und hob den bis 1300m niamma ausglossn. Zum Thema ziehen, nach dem Ringtausch im rechten Flügel, steigt da RX jetz so guat, dass wurscht is ob rechts oda links. Liegt jetzt superfein in der Thermik.
I bin donn 1min 30sek vor Start in Richtung Zylinder gflogn und wor a glei vorn unter die ersten 5 dabei. Gleiten konn er a da Moyes :-)

Noch da zweiten Wende hob i a bissl gas geben und wor donn unter da Ridge und es wollt niamma so richtig auffe. Hob mi donn bis zur 3. Wende ghantelt. Beim Zruckfliagn wor a 20er
West und des Lee hot den Fraissl wieder amol zum Fressen gern. Coole Aussenlondung und donn 3h aufn Rückholer gwortet. GPS auslesen as usual und Nachbesprechung mit die Austrianer und an Bayern. Die Oberösterreicher san donn ham duschen und da Bayer mitn Wahlbayern auf Prsut, Tagliatelle Tartufo und Rotwein gongan.

Zusammengefasst a recht a nette Gschicht für die Jahreszeit. Heite sogt der Quaxi vül Wind on. Schau ma amol. Am Lijak geht bei Nordwind aaaaa ;-)

Bis morgen
Thome

P.S.: Ergebnisse hier

P.P.S.: Facebook updates do

WM Mexico 2015

Griass eich,

wissts eh schon, dass die WM is. Service-bewusst wie i holt bin stöll i do amol a a Link-Sommlung ein, dass ma nit immer ummasuachn muass. Des is jo nix, de Suacherei:

Resultate:           http://www.faihgworldmex.com/results.php

Live-Tracking:   http://lt.flymaster.net/bs.php?grp=518

Jamie:                 http://naughtylawyertravels.blogspot.mx/

Jamie Twitter:   https://twitter.com/naughtylawyer

Fredy:                 https://www.facebook.com/fredy.bircher

Jonny:                 https://www.facebook.com/jonny.durand?fref=ts

Flavio:                https://www.facebook.com/flavio.tebaldi?fref=ts

Veranstalter:       https://www.facebook.com/events/669719349768361
                           https://www.facebook.com/alas.del.hombre

Pics:                    Bilder


Gas geben Austria!!!! Arriba! arriba! ándale! ándale!!!!

So Long
Thome