Donnerstag, 26. November 2009

Fetter Start vom Franzmann

Nit schlecht Herr Specht,
entweder is er a Könner, a Irrer od. fett wie a Radierer ..... :-)



Do konn ma gut den Handlingvorteil von an Turmdrochn erkennan!

Guat is gongan - nix is gschehn!

Howdie
thome

Sonntag, 22. November 2009

Fliagn am Haaaasen

Chris Gott,

heite wors eeeeendlich wieder soweit. Mitn Ige, a a Völkermorkter und Flugschulkollege etc. etc., und da Teamchefin Verenciza samma auffi aufn Berg. Da da Ige im März sei Knia beleidigt hot wors fia ihn da erste Flug seit an Johr, deshalb samma zum Haasen-Stuch, do is die Startwiesn a bissl steiler....

Obn onkumman wor echt a hit. Dass des da November is mog ma gor nit glabn. Nur da Wind is voll von links kumman. Also hommma amol obgwortet. Des Tal wor jo anoch voll zua mitn Nöbi...

Leitet des Telefon, wors da Vice-President Himmelbauer Willi und frogt ob i heite a im Tal der Lavtis bin. Eh kloar und sogor schon am Bichl obn. Er hot noch aufn Flugsaurier "El Presidente" Grassler Erich gwortet und is donn aufn Rauchbauer oda noch höher.

Nochdem schon a bissl aufgmocht hot, homma unsere Geier aufgebaut. Da Ige noch stilecht mit Kniehänger und an Polaris. Hot oba a schwimmendes Querrohr. Also die Tuning-Version ;-)







...... a is der Hund fotoscheu????......


Donn is da Großvati Kriegl Gerald somt Family erschienen und wollt min Plastiksock a noch ins Tol.

Wies offn wor, is da Ige glei als erster ausse. I bin a.s.a.p. noch....



Nebel, Sunn, Wind, worm olles wor heit dabei. Noch 2 Monat wieder an Flug. Des befreit ungeheuerlich ;-) Freu mi schon auf den Frühling...

Währendn Obbaun san noch zwa Geier eingetrudelt. Steirer worns, da Heinz und da Seppi, von gonz obn gstartet... Perfekter Tog konn i do nur sogn

bis(s) bold

da schworze Ritter

Freitag, 6. November 2009

Hochobir

Griass Eich,

nochdem die Hittn schen longsom fertig werd ;-) homma uns letztes Wochenende den Hochobir ongschaut. Leida nit mitn Drochen sondan zFuass... Wor oba a schen. Der Blick auf die Steiner Alpen is nit letz.
Nächstes Joahr werd der von da Luft aus ongschaut. Startberg => Rodschberg eh kloar.








Oba bis es soweit is muass amol da Winta kumman.

cu (vielleicht schon bei da Lovntoler Weihnachtsfeier am 5.12.2009 ;-))
thome